ကျိုက်လတ်မြို့နယ်စားသုံးသူရေးရာဦးစီးဌာန၊ မြို့နယ်တာဝန်ခံရုံးတွင် မြို့နယ်တာဝန်ခံနှင့် ဝန်ထမ်းများသည် ၂၀၂၄ ခုနှစ်၊ ဇွန်လ (၁၄) ရက်နေ့ ၊ နံနက် (၁၀:၀၀) နာရီအချိန်တွင် စားသုံးဆီ ဖြန့်ဖြူးရောင်းချသည့် လုပ်ငန်းရှင်များအား အသိပညာပေးဟောပြောခဲ့ပါသည်။
အဆိုပါ ဟောပြောရာတွင် မြို့နယ်တာဝန်ခံ ဦးမိုးမင်းသန်းက Royal နှင့် ငါးနှစ်ကောင် တံဆိပ်ပါ စားသုံးဆီများ ဖြန့်ဖြူးရောင်းချမည်ဆိုပါက သက်ဆိုင်ရာ မြို့နယ် စားသုံးသူရေးရာဦးစီးဌာနရုံးများသို့ ရောင်းချမည့် အရေအတွက်များကို လျှောက်လွှာတင်၍ အသိပေးရောင်းချရမည်ဖြစ်ကြောင်းနှင့် တရားဝင်ခွင့်ပြုထားသော စားသုံးဆီများ၊ကုန်အညွှန်းအမှတ်အသားပြည့်စုံစွာ ဖော်ပြထားသော ဆီများကိုသာရောင်းချရန်နှင့် လိုက်နာဆောင်ရွက်ခြင်းမရှိပါက တည်ဆဲဥပဒေအရ ထိရောက်စွာ အရေးယူမည်ဖြစ်ကြောင်း အသိပညာပေးဟောပြောခဲ့ကြောင်း သိရှိရပါသည်။
DOCA(ဧရာဝတီ)