ရှမ်းပြည်နယ်(မြောက်ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ ဝန်ထမ်း များသည် (12.6.2024)ရက်နေ့ နေ့လည်(01:00)နာရီအချိန်တွင် သက်ဆိုင်ရာမိတ်ဖက်ဌာန ဆိုင်ရာများနှင့်ပူးပေါင်း၍ စားသုံးသူပြည်သူများ ဘေးအန္တရာယ်ကင်းရှင်းစေရေးအတွက် လားရှိုးမြို့၊ စည်ပင်သာယာမြို့မဈေးအတွင်းရှိ ရောနှောဆီအပါအဝင် စားသုံးဆီအမျိုးမျိုး အရောင်းဆိုင်များအား သွားရောက်ကွင်းဆင်းစစ်ဆေးခဲ့ပါသည်။
ထိုသို့ကွင်းဆင်းစစ်ဆေးရာတွင် ဈေးကွက်အတွင်းရောင်းချနေသော စားသုံးဆီများတွင် စားသုံး သူကာကွယ်ရေးဥပဒေအရ သတ်မှတ်ထားသည့် ကုန်အညွှန်းအမှတ်အသားဖော်ပြချက်များ ပါဝင်မှု ရှိ/မရှိ၊ အမျိုးသားအစားအသောက်ဥပဒေအရ ထုတ်ပြန်ထားသည့် သတ်မှတ်ချက်များနှင့် ကိုက်ညီမှု ရှိ/မရှိတို့ကို ကွင်းဆင်းစစ်ဆေးခဲ့ကြောင်း သိရှိရပါသည်။
ဈေးကွက်အတွင်း ဖြန့်ဖြူးရောင်းချလျက်ရှိသည့် ရောနှောဆီအပါအဝင် စားသုံးဆီများမှာ အမေထွား၊ Goody၊ Lotus၊ Good၊ Choice၊ COOK၊ Meizan၊ Duck ၊ ရွှေမန္တလေး၊ ရွှေဘုံနှင့် ပွင့်ဖြူ အစရှိသည့် ရောနှောဆီအပါအဝင် စားသုံးဆီအမျိုးမျိုးတို့ကို ဈေးကွက်အတွင်း ရောင်းချလျက်ရှိ ကြောင်းသိရှိရပါသည်။
DOCA(ရှမ်း)