စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးဦးဆောင်၍ ဝန်ထမ်းများသည် 21.6.2024 ရက်နေ့တွင် (မုံရွာမြို့) သူနာပြုနှင့်သားဖွားသင်တန်းကျောင်းတွင် စားသုံးသူကာကွယ်ရေး အသိပညာပေး ဟောပြောပွဲဆောင်ရွက်ခဲ့ရာ ကျောင်းအုပ်ဆရာမကြီးနှင့် ဆရာ၊ဆရာမ ၊ ပထမနှစ်၊ တတိယနှစ် ကျောင်းသား/သူများ စုစုပေါင်း (၁၂၀) ဦးတက် ရောက်ကြောင်း သတင်းရရှိပါသည်။
အဆိုပါ စားသုံးသူကာကွယ်ရေးအသိပညာပေးဟောပြောပွဲတွင် တိုင်းဒေသကြီးဦစီးမှူးက ဝန်ကြီးဌာန၏ သမိုင်းကြောင်းနှင့် ရည်မှန်းချက်၊ မျှော်မှန်းချက်များ၊ စားသုံးသူများ၏ အခွင့်အရေးနှင့်တာဝန်များ၊ လုပ်ငန်းတာဝန်များကို နိုင်ငံတကာနှင့်အတူ ပူးပေါင်းဆောင်ရွက်လျက်ရှိကြောင်း၊ အဓိက စားသုံးသူများနစ်နာ၍ တိုင်ကြားလာမှုများကို မှန်မှန်ကန်ကန်ရရှိဖြေရှင်းနိုင်ရေး၊ ညွှန်ကြားချက် လမ်းညွှန်မှုများအား ထိထိရောက်ရောက် ဆောင်ရွက်နိုင်ရေး လျာထားချက်များနှင့်အညီ ဆောင်ရွက်လျက်ရှိကြောင်း၊ ကုန်အညွှန်းအမှတ်အသားများ အချက်အလက်ပြည့်စုံစေရန်ကိစ္စများကိုလည်း ဆောင်ရွက်လျက်ရှိကြောင်း၊ ဌာန၏ လုပ်ငန်းဆောင်ရွက်မှုများကို ကျယ်ကျယ်ပြန့်ပြန့် ဆွေးနွေးဟောပြောခဲ့ပါသည်။ ဆက်လက်၍ ဒု-တိုင်းဒေသကြီး ဒေါ်ရီလင်းထွဋ်က စီးပွားရေး လုပ်ငန်းရှင်များလိုက်နာရမည်တာဝန်များအကြောင်း၊ မူပိုင်ခွင့်မှတ်ပုံတင်ဆိုင်ရာ အချက်အလက်များ အကြောင်း၊ စားသုံးသူနစ်နာ ဆုံးရှုံးသဖြင့်တိုင်ကြားမှုကို လက်ခံညှိ့နှိုင်း ဖြေရှင်းဆောင်ရွက်မှု နှင့်ဖြေရှင်းပြီးစီးမှုအကြောင်းများကို နမူနာများနှင့်တကွ အကျယ်တဝင့်ရှင်းလင်း ဆွေးနွေးခဲ့ပါသည်။ ထို့နောက် စားသုံးသူဌာနခွဲတာဝန်ခံ ဒေါ်ခိုင်မို့မို့ က စားသုံးသူကာကွယ်ရေးဥပဒေပါ စားသုံးသူများ၏ အခွင့်အရေးနှင့်တာဝန်များ လိုက်နာရမည့် အချက်များအကြောင်းများကို ဆက်လက်ရှင်းလင်းခဲ့ရာ တက်ရောက်လာသူများမှ သိရှိလိုသည်များကို ပြန်လည်မေးမြန်းခဲ့ပြီး တိုင်းဒေသကြီးဦးစီးမှူးက ပြည့်စုံစွာရှင်းလင်းခဲ့ပြီး စားသုံးသူအသိပညာပေး လက်ကမ်းစာဆောင်များဖြန့်ဝေခဲ့ကြောင်းသတင်းရရှိပါသည်။
DOCA(စစ်ကိုင်း)