စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူး၏ လမ်းညွှန်မှုဖြင့် ဦးသန်းစိုး(ဦးစီးအရာရှိ) ဦးဆောင်သော ဝန်ထမ်းများသည် ၂၀၂၂ ခုနှစ်၊ ဖေဖော်ဝါရီလ ၂၇ ရက်နေ့ နံနက် (၁၀း၃၀)နာရီအချိန်တွင် သာစည် မြို့၊အမှတ်(၇)ရပ်ကွက်၌ ထုတ်လုပ်တင်သွင်းရောင်းချနေသော Rainbow ပေါင်မုန့်/ကိတ်မုန့်လုပ်ငန်းသို့ သွားရောက်၍ လုပ်ငန်းရှင်နှင့် တွေ့ဆုံဆွေးနွေးခဲ့ပါသည်။
တွေ့ဆုံဆွေးနွေးရခြင်း၏ ရည်ရွယ်ချက်မှာ စားသုံးသူပြည်သူများ နေ့စဉ်ဝယ်ယူစားသုံးနေသော ကုန်စည်များနှင့်ပတ်သက်သော သတင်းအချက်အလက်များကို စားသုံးသူပြည်သူများအား မှန်ကန်စွာသိရှိစေရေး၊ လုပ်ငန်းရှင်များအနေဖြင့် ကုန်အညွှန်းအမှတ်အသားများကိုဖော်ပြရာတွင် ၂၀၁၉ စားသုံးသူကာကွယ်ပေးရေးဥပဒေပြဌာန်းချက်များကို လိုက်နာပြီးထုတ်ကုန်လုံခြုံစိတ်ချရမှုရှိသော ကုန်ပစ္စည်းများကို ထုတ်လုပ်ရောင်းချစေရေး ၊ စားသုံးသူပြည်သူများ ကုန်စည်/ ဝန်ဆောင်မှုများကိုသုံးစွဲရာတွင် ဘေးအန္တရာယ်ကင်းရှင်းစွာ အသုံးပြုနိုင်ရေးနှင့် စားသုံးသူအခွင့်အရေးများနစ်နာဆုံးရှုံးမှု မရှိစေရေးအတွက် ဖြစ်သည်။
ဆွေးနွေးရာတွင် မိတ္ထီလာခရိုင်၊စားသုံးသူရေးရာဦးစီးဌာန ၊ ဦးစီးအရာရှိ(ဦးသန်းစိုး)မှ ကုန်စည်များ ထုတ်လုပ်ရောင်းချရာ၌ ကုန်အညွှန်းအမှတ်အသားများကို ပြည့်စုံစွာဖော်ပြထားမှု ရှိ/မရှိ စစ်ဆေးခဲ့ပြီး စားသုံးသူကာကွယ်ရေးဥပဒေ အခန်း(၁၈)ပါ ပြဌာန်းချက်ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အလိုက် မြန်မာဘာသာဖြင့်ဖြစ်စေ ၊ မြန်မာဘာသာနှင့်အခြားဘာသာ တစ်ခုခုတွဲ၍ဖြစ်စေ ဖော်ပြရမည့်အချက်များကို ရှင်းလင်းဆွေးနွေးခဲ့ပါသည်။
DOCA(မန္တလေး)