ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်တွင် မြို့နယ်စီမံအုပ်ချုပ်ရေးဦးစီးဌာန၏ ကြီးကြပ်မှုဖြင့် ဆန်စက်လုပ်ငန်းရှင်အသင်းမှ စီစဉ်မှုဖြင့် ဆန်တစ်ပြည်လျှင် (၃၀၀၀)နှုန်းဖြင့် ရောင်းချပေးခြင်းကို ဇွန်လ(၂၄)ရက်နေ့က နံနက်ပိုင်းက အမှတ်(၃)ရပ်ကွက်ရှိ မြို့နယ်မီးသတ်ရုံးရှေ့၌ ရောင်းချပေးခဲ့သည်။
ထိုသို့ရောင်းချရာတွင် ဧည့်မထအမျိုးအစား ဆန်(၂၄)အိတ်အား တစ်ပြည်လျှင် (၃၀၀၀) ကျပ်နှုန်းဖြင့် ရောင်းချပေးခဲ့ရာ ပြင်ပပေါက်ဈေးထက် တစ်ပြည်လျှင် ၁၂၀၀/-နှုန်းသက်သာ စွာဖြင့်ရောင်းချပေးခြင်းဖြစ်ကြောင်း မအူပင်ဆန်စက်လုပ်ငန်းရှင်အသင်းမှ ဒေသခံပြည်သူများ အခြေခံစားသောက်ကုန်များကို ဈေးနှုန်းချိုသာစွာဖြင့် ဝယ်ယူနိုင်ရန် စီစဉ်ဆောင်ရွက်လျက်ရှိ ကြောင်း သိရသည်။
အလားတူပင် ဓနုဖြူမြို့နယ်တွင်လည်း မြို့နယ်စီမံအုပ်ချုပ်ရေးအဖွဲ့၏ကြီးကြပ်မှုဖြင့် ဓနုဖြူဆန်စက်လုပ်ငန်းရှင်အသင်းမှ စီစဉ်မှုဖြင့် ဓနုဖြူဒေသခံပြည်သူများကို (၂၃.၆.၂၀၂၄) ရက်နေ့က သက်သာသောဈေးနှုန်းဖြင့် ရောင်းချပေးလျက်ရှိကြောင်း သတင်းရရှိပါသည်။
DOCA(ဧရာဝတီ)