စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ဇူလိုင်လ ၉ ရက်နေ့ နေ့လယ် (၁၃:၀၀)နာရီတွင် ခရိုင်ဦးစီးမှူးရုံး အစည်းအဝေးခန်းမ၌ တောင်ငူခရိုင်အတွင်းရှိ စားသုံးဆီ ရောင်းချသည့် ကုန်သည်များနှင့် တွေ့ဆုံဆွေးနွေးခဲ့ပါသည်။
တွေ့ဆုံဆွေးနွေးပွဲတွင် ခရိုင်ဦးစီးမှူးက တောင်ငူခရိုင်အတွက် ရရှိသည့် စားသုံးဆီခွဲတမ်းများကို သတ်မှတ်စည်းမျဉ်းစည်းကမ်းများနှင့်အညီ စနစ်တကျ ဖြန့်ဖြူးရောင်းချရန်၊ ခွဲတမ်းရရှိသည့် ဆိုင်များအနေဖြင့် ဈေးနှုန်းကို အများမြင်သာသည့်နေရာတွင် မြင်သာသော စာလုံးအရွယ်အစားဖြင့် ဗွီနိုင်းချိတ်ဆွဲထားရှိရန်၊ ဘူးသွင်းဆီရောင်းချသူများအနေဖြင့် သက်ဆိုင်ရာဌာနများက ထုတ်ပြန် ထားသည့်အမိန့်၊ ညွှန်ကြားချက်နှင့်အညီ ရောင်းချ ဖြန့်ဖြူးကြရန်တို့ကို ရှင်းလင်းပြောကြားပါသည်။
ဆက်လက်၍ တက်ရောက်လာသည့် ဆီကုန်သည်နှင့်ဆီလုပ်ငန်းရှင်များ၏ ဆွေးနွေး မေးမြန်းချက်များကို ခရိုင်ဦးစီးမှူးမှ ပြည်လည်ရှင်းလင်းဆွေးနွေးခဲ့ကြောင်းနှင့် တွေ့ဆုံဆွေးနွေးပွဲ သို့ ခရိုင်ဆီကုန်သည်နှင့်ဆီလုပ်ငန်းရှင်အသင်း ဥက္ကဌနှင့် ဆီကုန်သည်နှင့်ဆီလုပ်ငန်းရှင် ၂၄ ဦး တက်ရောက်ကာ ဆွေးနွေးပွဲကို နေ့လယ်(၁၄:၄၅) တွင် ရုတ်သိမ်းကြောင်း သိရှိရပါသည်။
DOCA(ပဲခူး)