စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဦး၊ ဒုဦးစီးမှူးပါ (၄)ဦးသည် ၈.၇.၂၀၂၄ ရက်နေ့ ၊နေ့လယ်(၁၃:၀၀)နာရီအချိန်တွင် လှိုင်သာယာအရှေ့ပိုင်းမြို့နယ် ရွှေလင်ပန်းဈေး၊ စည်ပင်သာယာရုံးခန်း၌ စားသုံးသူကာကွယ်ရေးအသိပညာပေးဆိုင်ရာ ဟောပြောပွဲ ကျင်းပပြုလုပ်ခဲ့ပါသည်။
ထိုသို့ အသိပညာပေးဟောပြောရာတွင် ဒေါ်နီလာဦး ဒုဦးစီးမှူးက ၂၀၁၉ စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင်များ၏ တာဝန်များအကြောင်း၊ မိမိတို့ဆိုင်တွင် ရောင်းချသည့်ကုန်စည်များသည် ကုန်အညွှန်းအမှတ်အသားများကို တိကျမှန်ကန်စွာဖော်ပြထားသည့် ပစ္စည်းများကိုသာ ရောင်းချရန်၊ တိကျမှန်ကန်စွာဖော်ပြထားခြင်းမရှိသည့် ကုန်စည်များကို ဝယ်ယူရောင်းချခြင်းမပြုရန်နှင့် ပြစ်မှုပြစ်ဒဏ်များအကြောင်း၊ စားသုံးသူပြည်သူများအနေဖြင့် ကုန်စည်နှင့်ဝန်ဆောင်မှုများ အသုံးပြုခြင်းကြောင့် နစ်နာဆုံးရှုံးမှုများဖြစ်ပေါ်လာပါက တိုင်ကြားနိုင်သည့်နည်းလမ်းများ၊ စားသုံးသူကာကွယ်ရေး အသိပညာပေးလုပ်ငန်းများကို စဉ်ဆက်မပြတ်ဆောင်ရွက်ပေးလျက်ရှိပါကြောင်း အသေးစိတ် ရှင်းလင်းဆွေးနွေးခဲ့ပြီး အသိပညာပေး ဟောပြောပွဲသို့ ဈေးသူ/ဈေးသား (၁၂)ဦး တက်ရောက်ခဲ့ပါသည်။
DOCA(ရန်ကုန်)