“ ကွမ်းခြံကုန်းမြို့ပေါ်ရှိ အလှကုန်ဆိုင်များတွင် ကလေးတစ်ကိုယ်ရေ သန့်ရှင်းရေးသုံးပစ္စည်းများအား ဈေးကွက်စောင့်ကြည့် ကွင်းဆင်းစစ်ဆေးခြင်း ”

   ၂၀၂၄ခုနှစ်၊ ဇူလိုင်လ(၅)ရက်နေ့၊ နံနက်(၀၉:၃၀)အချိန်တွင် စားသုံးသူရေးရာဦးစီးဌာန မြို့နယ်တာဝန်ခံရုံး၊ ကွမ်းခြံကုန်းမြို့နယ်ရှိ ဝန်ထမ်းများသည် ဦးစားပေးကုန်စည်(၁၀)မျိုးတွင် ဇူလိုင်လအတွင်း စစ်ဆေးရမည့် ကုန်စည်ဖြစ်သည့် ကလေးတစ်ကိုယ်ရေ သန့်ရှင်းရေးသုံးပစ္စည်းများကို စစ်ဆေးညွှန်ကြားချက်အရ မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာ ရေးအဖွဲ့တို့နှင့် ပူးပေါင်း၍ ကွမ်းခြံကုန်းမြို့နယ် မြို့မဈေးအတွင်း အလှကုန်ပစ္စည်းနှင့် ကုန်မျိုးစုံရောင်းချသည့် လက်လီ၊ လက်ကားဆိုင်များအား စစ်ဆေးဆောင်ရွက်ခဲ့ပါသည်။

    အဆိုပါ ကလေးတစ်ကိုယ်ရေ သန့်ရှင်းရေးသုံးပစ္စည်းများတွင် ကလေးကိုယ်လိမ်းပေါင်ဒါ၊ ခန္ဓာကိုယ်အစိုဓာတ်ဖြည့် ခရမ်စ် ၊ ကလေးခေါင်းလျှော်ရေချိုးဆပ်ပြာရည်၊ ကလေးသွားတိုက်ဆေး၊ တစ်ခါသုံး ကလေးသေးခံဘောင်းဘီစသည်တိုကို အလှကုန်ရောင်းချသည့်ဆိုင်များတွင် တွေ့ရှိရပြီး ကုန်အညွှန်းအမှတ်အသားများပြည့်စုံစွာပါရှိမှု ရှိ/မရှိ၊ သက်ဆိုင်ရာဌာန တောင်းခံချက်ပါရှိမှု ရှိ/မရှိ စစ်ဆေးခဲ့ကြပြီး ကုန်အညွှန်းအမှတ်အသားပြည့်စုံစွာဖော်ပြပါရှိပြီး သက်ဆိုင်ရာဌာနများ၏ ထောက်ခံချက်ပါရှိသော ကလေးတစ်ကိုယ်ရေးသန့်ရှင်းရေးသုံးပစ္စည်းများကိုသာ ရောင်းချပါရန်နှင့် ဖော်ပြပါအချက်များ ပြည့်စုံစွာပါရှိမှသာ ကလေးများအတွက် လုံခြုံစိတ်ချရပြီး ဘေးအန္တရာယ်ကင်းရှင်းမည်ဖြစ်ကြောင်း ဆွေးနွေးဆောင်ရွက်ခဲ့ပါသည်။

DOCA(ရန်ကုန်)