ဧရာဝတီတိုင်းဒေသကြီး ကျေးလက်ဖွံ့ဖြိုးတိုးတက်ရေးဦးစီးဌာနမှ တိုင်းအတွင်း မြို့နယ်/ကျေးရွာများရှိ ဒေသခံပြည်သူများ အလုပ်အကိုင်အခွင့် အလမ်းများ ရရှိစေရန် ၂၀၂၄-၂၀၂၅ဘဏ္ဍာနှစ်တွင် လက်သမားပန်းရံသင်တန်း၊ အခြေခံလျှပ်စစ်သွယ်တန်းမှု နည်းပညာသင်တန်း ၊ အခြေခံစက်ချုပ်သင်တန်း ၊ အခြေခံ မော်တော်ဆိုင်ကယ်ပြုပြင် ထိန်းသိမ်းနည်း သင်တန်း ၊ လျှပ်စစ်သံဂဟေဆက် သင်တန်း ၊ အဆင့်မြင့်အပ်ချုပ်စက် သင်တန်း ၊ လူသုံးကုန်ထုတ်လုပ်မှုနည်းပညာ သင်တန်း တို့ကို ခရိုင် (၈) ခု ၊ မြို့နယ် ၊ ကျေးရွာအတွင်းရှိ အမျိုးသား (၅၅၈) ဦး ၊ အမျိုးသမီး (၃၀၀) ဦး စုစုပေါင်း (၈၅၈) ဦးအား သင်တန်းအကြိမ်ရေ (၃၀) ဖွင့်လှစ် သင်ကြားပေးရန် လျာထားပြီး လက်ရှိတွင် သင်တန်းအကြိမ်ရေ (၁၂)ခု ဖွင့်လှစ်ပြီးစီး၍ ကျန်ရှိသည့် သင်တန်းများကို ဆက်လက် ဖွင့်လှစ်ရန် စီစဉ်ဆောင်ရွက်လျက်ရှိကြောင်း တိုင်းကျေးလက်ဖွံ့ဖြိုးတိုးတက်ရေးဦးစီးဌာနမှ သိရသည်၊၊
ကျေးလက်နေဒေသခံပြည်သူများ အလုပ်အကိုင်အခွင့်အလမ်းများရရှိစေရန်နှင့် ကိုယ်ပိုင်ဆိုင်ဖွင့်လှစ်၍ အသက်မွေးဝမ်းကြောင်းပညာရပ်တစ်ခုအနေဖြင့် ရပ်တည်နိုင်ရန်ရည်ရွယ်၍ အဆိုပါသင်တန်းများကို အခမဲ့ ဖွင့်လှစ်သင်ကြားပေးသွားမှာ ဖြစ်ကြောင်း တိုင်းကျေးလက်ဖွံ့ဖြိုးတိုးတက်ရေးဦးစီးဌာန တိုင်းဦးစီးမှူးမှ ပြောကြားခဲ့ပါသည်၊၊
DOCA(ဧရာဝတီ)