စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ်အတွင်းရှိ ဝမ်းရောဂါကာကွယ်ကုသမှုဆိုင်ရာ ဆေးနှင့်ဆေးပစ္စည်းများ ပြတ်လပ်မှု ရှိ/မရှိကို ဇူလိုင်လ(၁၀)ရက်နေ့၊ နံနက်(၁၀:၃၀)အချိန်တွင် သန်လျင်မြို့မဈေးအတွင်းရှိ ဆေးဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။
အဆိုပါကွင်းဆင်းစစ်ဆေးရာတွင် ကျန်းမာရေးဦးစီးဌာနမှ တာဝန်ရှိသူ၊ စားသုံးသူရေးရာဦးစီးဌာနမှ ဝန်ထမ်းများနှင့် ပူးပေါင်းအဖွဲ့သည် သန်လျင်မြို့မဈေးအတွင်းရှိ ရုံ ၁၀(၁/၂) အရှေ့ဘက်တန်း၊ ဗိုလ်ချုပ်နေဝင်းလမ်းရှိ သီဟဆေးဆိုင်၊ အမှတ်(၁၄၁)၊ ဗိုလ်ချုပ်နေဝင်းလမ်း၊ မြို့မအနောက်ရပ်ကွက်ရှိ လေဆာဆေးဆိုင်၊ အမှတ်(၁၃၇)၊ ဗိုလ်ချုပ်နေဝင်းလမ်း၊ မြို့မဈေးအရှေ့ရှိ ရွှေတောင်ဆေးဆိုင်တို့အား ဝမ်းရောဂါကူးစက်မှုများနှင့်ပတ်သက်၍ တိုင်းဒေသကြီးဦးစီးမှူးရုံး၏ညွှန်ကြားချက်အရ ဈေးကွက်အတွင်း ဆေးနှင့်ဆေးပစ္စည်းများ ပြတ်လပ်မှု ရှိ/မရှိကို ဆေးဆိုင်ပိုင်ရှင်လုပ်ငန်းရှင်များနှင့် သွားရောက်တွေ့ဆုံပြီး ကွင်းဆင်းစစ်ဆေးမေးမြန်းမှုများ ဆောင်ရွက်ခဲ့ကြောင်း သိရသည်။
DOCA(ရန်ကုန်)