“ ကော့မှူးမြို့နယ်၌ စားသုံးဆီအမျိုးမျိုးဖြန့်ဖြူးရောင်းချခြင်းနှင့်စပ်လျဉ်း၍ လုပ်ငန်းရှင်များသို့ အသိပညာပေး ဟောပြောပွဲကျင်းပခြင်း ”

       စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်စည်ပင်သာယာမြို့မဈေးအတွင်း/အပြင်၌ စားသုံးဆီအမျိုးမျိုးတို့အား ဖြန့်ဖြူးရောင်းချနေသော ကုန်မျိုးစုံဆိုင်၊ ကုန်ခြောက်ဆိုင်များမှ ဆိုင်ပိုင်ရှင်လုပ်ငန်းရှင်များအား စည်ပင်သာယာမြို့မဈေး တာဝန်ခံရုံးခန်းမ၌ ဇူလိုင်လ(၁၁)ရက်နေ့၊ နံနက်(၁၁:၀၀)နာရီအချိန်တွင် ရောနှောဆီအပါအဝင် စားသုံးဆီအမျိုးမျိုးနှင့် စပ်လျဉ်း၍ အသိပညာပေးဟောပြောပွဲ ကျင်းပခဲ့ကြောင်း သိရသည်။

      အဆိုပါ ဟောပြောဆွေးနွေးခဲ့ရာတွင် စည်ပင်သာယာမြို့မဈေးတာဝန်ခံ ဦးထားသွင်မှ အဖွင့်အမှာစကားပြောကြားခဲ့ပြီး စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းက ရောနှောဆီအပါအဝင် စားသုံးဆီအမျိုးမျိုးတို့အား ဈေးကွက်အတွင်း ဝယ်ယူဖြန့်ဖြူးရောင်းချရာတွင် လုပ်ငန်းရှင်များအနေဖြင့် မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသော ညွှန်ကြားချက်အမှတ် (၂/၂၀၁၉)တို့အား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော ညွှန်ကြားချက် အမှတ်(၁/၂၀၂၁) တို့အား လိုက်နာဆောင်ရွက်ရမည့်အပြင် မြန်မာနိုင်ငံအစားအသောက်နှင့် ဆေးဝါးအာဏာပိုင်အဖွဲ့မှ ထုတ်ပြန်ထားသော ဟင်းသီးဟင်းရွက်ဆီများကို ရောနှောဆီ(Blended Oil) အဖြစ် ရောစပ်ရာတွင် အရည်အသွေးအာမခံချက်နှင့် အမှတ်တံဆိပ်ကပ်ခြင်းဆိုင်ရာ သတ်မှတ်သည့်အမိန့် (၂/၂၀၂၄)တို့အား လိုက်နာဆောင်ရွက်သွားရန်နှင့် အမိန့်ညွှန်ကြားချက်များနှင့် ကိုက်ညီမှုမရှိသည့် စားသုံးဆီအမျိုးမျိုးတို့အား ရောင်းချခြင်းမပြုကြရန်နှင့် အသိပညာပေးဟောပြောဆွေးနွေးခဲ့ကြောင်း သိရသည်။ ဟောပြောဆွေးနွေးပွဲသို့ တက်ရောက်လာသော လုပ်ငန်းရှင်များအနေဖြင့် သိရှိလိုအပ်သည့်အချက်များအား ဖြည့်စွပ်ရှင်းလင်း ဆွေးနွေးခဲ့ကြောင်း သိရသည်။

DOCA(ရန်ကုန်)