၂၀၂၄ခုနှစ်၊ ဇူလိုင်လ(၁၅)ရက်နေ့၊ နံနက်(၁၀:၃၀)နာရီအချိန်တွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူးနှင့် ဝန်ထမ်းများသည် မြို့နယ်စည်ပင်သာယာရေးဦးစီးဌာနနှင့် ပူးပေါင်း၍ ကျိုင်းတုံမြို့၊ မြို့မဈေးကြီးအတွင်းရှိ ဆေးနှင့် ဆေးဝါးပစ္စည်းအရောင်းဆိုင်များအား ဆေးနှင့်ဆေးဝါးပစ္စည်းများ ပြတ်လပ်မှု ရှိ/မရှိ ကွင်းဆင်း စစ်ဆေးခြင်း ဆောင်ရွက်ခဲ့ပါသည်။
ထိုသို့ ကွင်းဆင်းစစ်ဆေးခြင်းဆောင်ရွက်ခဲ့ရာတွင် ကျိုင်းတုံမြို့၊ မြို့မဈေးကြီးအတွင်းရှိ ဆေးဆိုင်များတွင် ဆေးနှင့်ဆေးဝါးပစ္စည်းများ ပြတ်လပ်မှုမရှိကြောင်း၊ အလှကုန်ဆိုင်များတွင် လူသုံးကုန်ပစ္စည်းများ ပြတ်လပ်မှုမရှိကြောင်းနှင့် မီးဖိုဆောင်သုံး အခြေခံစားသောက်ကုန်ပစ္စည်များ ဈေးကွက်အတွင်း ပြတ်လပ်မှုမရှိကြောင်းတို့ကို စစ်ဆေးတွေ့ရှိရပါသည်။ ယင်းနောက် စစ်ဆေးရေးမှူးနှင့် တာဝန်ရှိသူများသည် ဆေးဆိုင်ပိုင်ရှင်များအား သက်တမ်းလွန်ဆေးဝါးများနှင့် သက်ဆိုင်ရာဌာနများမှ တားမြစ်ထားသောဆေးပစ္စည်းများကို ဈေးကွက်အတွင်း ရောင်းချခြင်းမပြုရန်၊ထုတ်လုပ်သည့်နိုင်ငံ၊ ထုတ်လုပ်/တင်သွင်းသည့် ကုမ္ပဏီ၊ ဆေးဝါးမှတ်ပုံတင်အမှတ် Import Resgistration No.(IR) များ ဖော်ပြထားသော ဆေးနှင့်ဆေးဝါးပစ္စည်းများကိုသာ ရောင်းချရန်၊အလှကုန်ဆိုင်ပိုင်ရှင်များအား သက်တမ်းလွန်နေသောလူသုံးကုန်များနှင့် တားမြစ်ထားသော လူသုံးကုန်ပစ္စည်းများကို ဈေးကွက်အတွင်း ရောင်းချခြင်းမပြုရန် နှင့် မီးဖိုဆောင်သုံး အခြေခံစားသောက်ကုန်များအား ကုန်ဈေးနှုန်းမြှင့်တက်၍ ရောင်းချခြင်းမပြုရန်၊ဈေးကစားမှုပြုလိုသော ရည်ရွယ်ချက်ဖြင့် အချို့သောကုန်စည်များကို သိုလှောင်ထားခြင်းမပြုရန်၊ ကျန်းမာရေးနှင့် ညီညွတ်သော အစားအသောက်ကုန်စည်များကိုသာ ရောင်းချရန်နှင့် စားသုံးသူကာကွယ်ရေးဥပဒေ အခန်း (၁၀)ပါ “စီးပွားရေးလုပ်ငန်းရှင်၏တာဝန်များ”ကို သိရှိလိုက်နာဆောင်ရွက်စေရန် ရှင်းလင်းပြောကြားခဲ့ပါသည်။
DOCA(ရှမ်း)