မွန်ပြည်နယ်၊ စားသုံးသူရေးရာဦးစီးဌာန၊ မုဒုံမြို့နယ်တာဝန်ခံသည် မိတ်ဖက်ဌာနများနှင့်ပူးပေါင်း၍ မုဒုံမြို့နယ်တွင် အခြေခံစားကုန်၊ အိမ်သုံးဆေးဝါးနှင့် လူသုံးကုန်ပစ္စည်းများ စျေးကွက်အတွင်း ပြတ်လပ်မှုရှိ/မရှိကို ၁၅.၇.၂၀၂၄ ရက်နေ့ နံနက်ပိုင်းက မြို့မစျေးနှင့် မြို့ပေါ်ကုန်စုံဆိုင်များ၌ ကွင်းဆင်းစစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးရာတွင် မုဒုံမြို့နယ် အထွေထွေအုပ်ချုပ်ရေးဦးစီးဌာနမှ ဒုတိယဦးစီးမှူး ဦးဝင်းလွင်၊ မြို့နယ်စားသုံးသူရေးရာဦးစီးဌာနမှ တာဝန်ခံ ဦးညီလွင်အေး၊ မြို့နယ်ပြည်သူ့ကျန်းမာရေးဦးစီးဌာနမှ ကျန်းမာရေးကြီးကြပ်(၁)၊ စည်ပင်သာယာရေးအဖွဲ့နှင့် တာဝန်ရှိသူများက မြို့မစျေးနှင့် မြို့ပေါ်ကုန်စုံဆိုင်များသို့ သွားရောက်၍ ဆန်၊ ဆီ၊ ငရုတ်၊ ကြက်သွန်၊ အသား၊ ငါး၊ ကြက်ဥ၊ ဘဲဥ၊ အဖျားပျောက်ဆေး၊ နှာစေးပျောက်ဆေး၊ ဓာတ်ဆား၊ လိမ်းဆေးအမျိုးမျိုး၊ တစ်ကိုယ်ရည်သုံး သန့်ရှင်းရေးပစ္စည်းများအား စျေးဆိုင်များအတွင်း ပြတ်လပ်မှုရှိ/မရှိကိုစစ်ဆေးခဲ့ရာ ပြတ်လပ်မှုမရှိကြောင်း သိရသည်။
DOCA(မွန်)