![](http://www.doca.gov.mm/sites/default/files/styles/consumer_inner_image__847x424_/public/24.16_0.jpg?itok=tKkMxolS)
ဧရာဝတီတိုင်းဒေသကြီး ၊ မအူပင်ခရိုင် ၊ မအူပင်မြို့နယ်စားသုံးသူရေးရာဦးစီးဌာန၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊တိုင်းရင်းဆေးပညာဦးစီးဌာနတို့ ပူးပေါင်း၍ ကျောင်းသား၊ ကျောင်းသူများအား မူးယစ်ဆေးဝါးအန္တရာယ်များအကြောင်း ကျောင်းသား၊ ကျောင်းသူများအား ဘက်စုံထူးချွန်ဖွံ့ဖြိုးတိုးတက်စေရန် စားသုံးသူအခွင့်အရေးတို့ကို သိရှိနားလည်စေရန် ရည်ရွယ်၍ အသိပညာပေး ဟောပြောပွဲကို (၁၇.၇.၂၀၂၄)ရက်နေ့၊ နံနက် (၁၀:၀၀) နာရီတွင် မအူပင်မြို့နယ် ၊ စစ်ကိုင်းကျေးရွာမူလွန်ကျောင်းတွင် ကျင်းပပြုလုပ်ခဲ့သည်။
အသိပညာပေး ဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မှတာဝန်ရှိသူက ဟောပြောရာ ဟောပြောပွဲကျင်းပရခြင်းရည်ရွယ်ချက်နှင့် မူးယစ်ဆေးဝါး၏အဓိပ္ပါယ်၊ မူးယစ်ဆေးဝါး အမျိုးအစားများ၊ မူးယစ်ဆေးဝါးသုံးစွဲရခြင်း၏အကြောင်းအရင်းနှင့် ဆိုးကျိုးများ၊ မူးယစ်ဆေးဝါးအန္တရာယ်များအကြောင်း၊ စားသုံးသူရေးရာဦးစီးဌာနမှ ဦးအောင်ဇော်ဦး ဦးစီးအရာရှိမှ စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူကာကွယ်ရေးဥပဒေပါ စားသုံးသူနှင့် စားသုံးသူ၏ အခွင့်အရေး (၈)ချက်၊ စားသုံးသူတာဝန်များ(၄)ချက်၊ စားသုံးသူ၏ အဓိပ္ပါယ်၊ ကုန်စည်ဝန်ဆောင်မှု၏ အဓိပ္ပါယ်တို့ကို ဥပမာပေး ဟောပြောဆွေးနွေးပြီး မိမိတို့ စားသုံးသူအခွင့်အရေး အမှန်တကယ်နစ်နာလျှင် တိုင်ကြားနိုင်သည့် နည်းလမ်းများ၊ ကုန်စည်ပေါ်မှာ ကုန်အညွှန်းအမှတ်အသားပြည်စုံမှ စားသုံးသူများ ရွေးချယ်စားသုံးကြရန် ကုန်အညွှန်းအမှတ်သားဖော်ပြချက်တွင် ပါဝင်ရမည့် အချက်အလက်တို့အား သိရှိနားလည်နိုင်စေရန် အသိပညာပေး ဟောပြောခဲ့ပါသည်။ လက်ကမ်းစာစောင်များ ဖြန့်ဝေခဲ့ပါသည်။ အသိပညာပေး ဟောပြောပွဲသို့ ဆရာ/ဆရာမ(၅)ဦးနှင့် ကျောင်းသား/ကျောင်းသူ (၄၇)ဦး ၊ စုစုပေါင်း (၅၂)ဦး တက်ရောက်ခဲ့ကြောင်း သတင်းရရှိပါသည်။
DOCA(ဧရာဝတီ)