တနင်္သာရီတိုင်းဒေသကြီး၊ မြိတ်ခရိုင် စားသုံးသူရေးရာဦးစီးဌာနမှ ခေတ္တခရိုင်ဦးစီးမှူးနှင့် ဝန်ထမ်းများသည် ၂၀၂၄ခုနှစ်၊ ဇူလိုင်လ(၂၃)ရက်နေ့၊ နေ့လယ် (၁၄:၀၀)နာရီအချိန်တွင် မြိတ်မြို့၊ ဘုတ်ချောင်းရပ်၊ ချမ်းအေးဘုန်းတော်ကြီးကျောင်း၌ မြိတ်ခရိုင် အသေးစားစက်မှုလက်မှုလုပ်ငန်းဦးစီးဌာနမှ ဖွင့်လှစ်သော သီးနှံအခြေခံတန်ဖိုးမြှင့် စားသောက်ကုန်ထုတ် လုပ်မှုနည်းပညာသင်တန်းဆင်းပွဲတွင် စားသုံးသူအခွင့်အရေးနှင့် စီးပွားရေးလုပ်ငန်းရှင်များ သိသင့်သိထိုက်သော အကြောင်းအရာများအား ဟောပြောဆွေးနွေးခဲ့ပြီး သင်တန်းဆင်းပွဲသို့ တက်ရောက်ခဲ့ကြပါသည်။
ဟောပြောဆွေးနွေးရာတွင် စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များအပါအဝင် စားသုံးအခွင့်အရေးနှင့် တာဝန်များအကြောင်း၊ စီးပွားရေးလုပ်ငန်းရှင်များအတွက် လိုက်နာဆောင်ရွက်ရမည့်တာဝန်နှင့် ကုန်အညွှန်းအမှတ်အသားအကြောင်း၊ စားသုံးသူကာကွယ်ရေး ဥပဒေအကြောင်း၊ ဆွေးနွေးဟောပြောခဲ့ပြီး သင်တန်းဆင်းပွဲအား ဆက်လက်တက်ရောက်ခဲ့ကြပါသည်။ သင်တန်းဆင်းပွဲသို့ မြိတ်မြို့နယ်စီမံအုပ်ချုပ်ရေးအဖွဲ့၊ စားသုံးသူရေးရာဦးစီးဌာနနှင့် သက်ဆိုင်ရာဌာနဆိုင်ရာများအပါအဝင် သင်တန်းသူသင်တန်းသား စုစုပေါင်း(၃၅)ဦးခန့်တက်ရောက်ခဲ့ကြောင်း သတင်းရရှိပါသည်။
DOCA(တနင်္သာရီ)