ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဖျာပုံခရိုင်၊ ဒေးဒရဲမြို့နယ်၊ မြို့နယ်စစ်ဆေးရေးမှူးသည် ဝန်ထမ်းများနှင့်အတူ (၉.၃.၂၀၂၂)ရက်နေ့ နေ့လည်(၁၂:၃၀)နာရီ အချိန်တွင်ဒေးဒရဲမြို့ အမှတ်(၂) ရပ်ကွက်အတွင်းရှိ မုန့်မျိုးစုံအရောင်းဆိုင်များအား စားသုံးသူကာကွယ်ရေးဥပဒေပုဒ်မ (၁၅) (ခ) စစ်ဆေးရေးအရာရှိ၏ လုပ်ငန်းတာဝန်များအရ ဈေးကွက်အတွင်းရောင်းချလျက်ရှိသော ကုန်ပစ္စည်းများတွင် ကုန်အညွှန်းအမှတ်အသားများ ပြည့်စုံစွာဖော်ပြထားမှု ရှိ/မရှိအား ဈေးကွက်စောင့်ကြည့် ကွင်းဆင်းစစ်ဆေးခဲ့ပါသည်။
ယင်းသို့စစ်ဆေးခဲ့ရာတွင် ကုန်မျိုးစုံဆိုင်နှင့် မုန့်မျိုးစုံဆိုင်များ၌ ရောင်းချလျက်ရှိသော ပန်းသခင် ချဉ်ပေါင်းယို၊ ပန်းသခင်မလိုင်လုံး၊ ပန်းမြို့တော်ကိတ်မုန့်၊ အိုမားကိတ်မုန့်၊ဟောလီဝုတ် ပေါင်မုန့်၊ Vanflla ဝေဖာ၊ မာမီးခေါက်ဆွဲ၊ ရွှေကျီးကိတ်ခြောက်၊ Milko ပေါင်မုန့်၊ အင်ဒိုနီးရှားGery ကိတ်မုန့်တို့တွင် မြန်မာဘာသာဖြင့် ကုန်အညွှန်းအမှတ်အသားများ ပြည့်စုံစွာဖော်ပြထားရှိကြောင်း စစ်ဆေးတွေ့ရှိရပါသည်။ မြို့နယ်စစ်ဆေးရေးမှူးသည် အဆိုပါဆိုင်ရှင်များအား စားသုံးသူကာကွယ်ရေးဥပဒေပုဒ်မ(၂၁) လုပ်ငန်းရှင်များ၏ တာဝန်များနှင့် ပုဒ်မ(၄၁)(၄၃)အရ လိုက်နာဆောင်ရွက်ကြ ရန် ရှင်းလင်းဆွေးနွေး အသိပညာပေးဆောင်ရွက်ခဲ့ကြောင်း သတင်းရရှိပါသည်။
DOCA(ဧရာဝတီ)