စားသုံးသူရေးရာဦးစီးဌာန၊ ကချင်ပြည်နယ်ဦးစီးမှူးနှင့်ဝန်ထမ်းများသည် ပြည်နယ်ရေနံထွက်ပစ္စည်းကြီးကြပ်စစ်ဆေးဌာနမှ ဝန်ထမ်းများနှင့်ပူးပေါင်း၍ ၂၁.၃.၂၀၂၂ နှင့် ၂၂.၃.၂၀၂၂ ရက်နေ့များတွင် ကချင်ပြည်နယ်၊ မြစ်ကြီးနားမြို့အတွင်းရှိ မြို့နယ်များသို့ စက်ဆီ၊ ချောဆီများ လက်လီ၊ လက်ကားရောင်းချဖြန့်ဖြူးလျက်ရှိသည့် အရောင်းဆိုင်(၇)အား ကွင်းဆင်းစစ်ဆေးခဲ့ပါသည်။
ထိုသို့ကွင်းဆင်းစစ်ဆေးရာတွင် ကချင်ပြည်နယ်ဦးစီးမှူးမှ လုပ်ငန်းရှင်များအား ဈေးကွက်အတွင်း တရားမဝင်စက်ဆီ၊ ချောဆီများဖြန့်ဖြူးရောင်းချနေမှုကြောင့် နိုင်ငံတော်အတွက် အခွန်ခများနစ်နာကြောင်း၊ အရည်အသွေးမမှန်သည့် စက်ဆီ၊ ချောဆီများရောင်းချမှုကြောင့် စားသုံးသူများ၏ စက်ပစ္စည်းများပျက်စီးမှုရှိကြောင်း၊ အရည်အသွေးအာမခံချက်မရှိခြင်းကြောင့် စားသုံးသူကာကွယ်ရေး ဥပဒေအခန်း(၁၁)ပါ ကုန်စည်နှင့်စပ်လျဉ်း၍ အာမခံချက်ပေးနိုင်မှုမရှိခြင်းကြောင့် လုပ်ငန်းရှင်များအနေဖြင့် တရားဝင်လိုင်စင်ရယူဆောင်ရွက်သည့် ကုမ္ပဏီများမှ တင်သွင်းထုတ်လုပ်ပြီး ရေနံထွက်ပစ္စည်းကြီးကြပ်စစ်ဆေးရေးဦးစီးဌာန၏ (PPRD Code No) ပါ Product များကိုသာ ဖြန့်ဖြူး ရောင်းချကြရန်နှင့် တရားမဝင်စက်ဆီ၊ ချောဆီများဈေးကွက်အတွင်း ဖြန့်ဖြူးရောင်းချမှုအား စစ်ဆေးတွေ့ရှိရပါက ဥပဒေအရ အရေးယူဆောင်ရွက်သွားမည်ဖြစ်ကြောင်း ပြောကြားခဲ့ပါသည်။
DOCA(ကချင်)