တနင်္သာရီတိုင်းဒေသကြီး၊ မြိတ်မြို့တွင် ခရိုင်စီမံအုပ်ချုပ်ရေးအဖွဲ့၏ ဦးဆောင်မှုဖြင့် စားသုံးသူရေးရာဦးစီးဌာနနှင့်အတူ ဌာနဆိုင်ရာများပူးပေါင်း၍ ၂၀၂၄ခုနှစ်၊ သြဂုတ်လ(၈)ရက်နေ့၊ နံနက်(၀၇း၀၀) နာရီအချိန်တွင် မြိတ်မြို့၊ ကလွင်ကျေးရွာအုပ်စု ရာပြည့်(၂)လမ်းတွင် ပြည်သူများအား စျေးနှုန်းသက်သာစွာဖြင့် ဝယ်ယူနိုင်ရေး အခြေခံစားသောက်ကုန်များအား ရောင်းချခဲ့ကြပါသည်။
အဆိုပါ အခြေခံစားသောက်ကုန်များ ရောင်းချရာတွင် ဆန်တစ်ပြည်(၃၄၀၀)ကျပ်၊ ကြက်ဥ (၃)လုံးကို(၁၀၀၀)ကျပ်၊ ဆီ(၅၀)ကျပ်သားလျင်(၃၁၀၀)ကျပ်၊ ဆားတစ်ထုတ်(၃၀၀)ကျပ်တို့ဖြင့် ရောင်းချခဲ့ပြီး ချဉ်ပေါင်ရွက်၊ ငါး၊ ကြက်သွန်နီ၊ ပဲခြမ်း၊ ငရုတ်သီးမုန့်၊ မန်ကျည်းသီးမှည့်စသည်များကိုလည်း စျေးနှုန်းသက်သာစွာဖြင့် ရောင်းချခဲ့ကြောင်း သတင်းရရှိပါသည်။
DOCA(တနင်္သာရီ)