“ကျောက်ဆည်ခရိုင်တွင် ကုန်အညွှန်းအမှတ်အသားဖော်ပြချက်နှင့်ပတ်သက်၍ စီးပွားရေးလုပ်ငန်းရှင်များအား ရှင်းလင်းဆွေးနွေး”

         ကျောက်ဆည်ခရိုင် စားသုံးသူရေးရာဦးစီးဌာနသည် စားသုံးသူများဘေးအန္တရာယ်ကင်းရှင်း စေရေး ၊ ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူကာကွယ်ရေးအသိပညာပေး ဟောပြောဆွေးနွေးပွဲကျင်းပခြင်းနှင့် စျေးကွက်စောင့်ကြည့်စစ်ဆေးခြင်း လုပ်ငန်းများအား  စဉ်ဆက်မပြတ်ဆောင်ရွက်လျှက်ရှိရာ (၁၀-၃-၂၀၂၂)ရက်နေ့တွင် စားသုံးသူရေးရာဦးစီးဌာန၊ ကျောက်ဆည်ခရိုင်ဦးစီးမှူးရုံး၌ တံတားဦးမြို့နယ်ရှိ ဟင်းသီးဟင်းရွက်ဆီ (စားအုန်းဆီ/အဆင့်မြင့် စားအုန်းဆီ)ထုတ်လုပ်သောလုပ်ငန်းရှင်နှင့် သဘာ၀ဒိန်ချဉ်နှင့်နို့အေး လုပ်ငန်းရှင်များအား ကုန် အညွှန်းအမှတ်အသားဖော်ပြချက်နှင့်ပတ်သက်ပြီး စီးပွားရေးလုပ်ငန်းရှင်များ လိုက်နာရမည့်ညွှန် ကြားချက်များအား ရှင်းလင်းဆွေးနွေးခဲ့ပါသည်။ ရှင်းလင်းဆွေးနွေးရာတွင် ကျောက်ဆည်ခရိုင် စားသုံးသူရေးရာဦးစီးဌာန ခရိုင်ဦးစီးမှူးက စားသုံးသူကာကွယ်ရေးဥပဒေအား ၂၀၁၉ ခုနှစ် ၊ မတ်လ (၁၅)ရက်နေ့တွင် အသစ်ပြန်လည်ပြဌာန်းခဲ့ကြောင်း ၊ ၄င်းဥပဒေတွင် ကုန်အညွှန်းအမှတ်အသား ဖော်ပြခြင်းနှင့်ပတ်သက်၍အခန်း(၁၈)ပုဒ်မ(၄၁)၌ စီးပွားရေးလုပ်ငန်းရှင်များလိုက်နာရန်အချက်များ အားပြဌာန်းခဲ့ပြီးဖြစ်ကြောင်း ၊ ၂၀၁၉ ခုနှစ် ၊ ဒီဇင်ဘာလ(၃)ရက် ရက်စွဲပါညွှန်ကြားချက်အမှတ် (၂/၂၀၁၉)ဖြင့် “ ကုန်စည်များတွင် မြန်မာဘာသာဖြင့်ဖြစ်စေ၊မြန်မာဘာသာနှင့်အခြားဘာသာတစ်ခု သို့မဟုတ်တစ်ခုထက်ပို၍တွဲလျက်ဖြစ်စေဖော်ပြရာ၌ “စီးပွားရေးလုပ်ငန်းရှင်များ” လိုက်နာဆောင် ရွက်ရန်ညွှန်ကြားချက်”ကို ကုန်စည်အုပ်စုအလိုက် မြန်မာဘာသာဖြင့် ကုန်အညွှန်းအမှတ်အသား ဖော်ပြရမည့်အသေးစိတ်အချက်အလက်များအား ကုန်စည်အုပ်စု(၈)ခုခွဲ၍ထုတ်ပြန်ခဲ့ပြီးဖြစ်ကြောင်း၊ ယင်းကုန်စည်အုပ်စုတွင် အစားအသောက်ကုန်စည်အုပ်စုတွင်ပါဝင်သည့် နို့နှင့်နို့ထွက်ပစ္စည်းအမျိုး မျိုး၊စားသုံးဆီအမျိုးမျိုးနှင့်စပ်လျဉ်း၍ အမျိုးအမည်၊ အရွယ်အစား၊ အရေအတွက်နှင့်အသားတင် ပမာဏ ၊ ထားသိုသိမ်းဆည်းမှုအညွှန်းတို့ကို မဖြစ်မနေဖော်ပြရန်အတွက် သတ်မှတ်ထုတ်ပြန်ခဲ့ပြီး ဖြစ်ကြောင်း၊ဟင်းသီးဟင်းရွက်ဆီရောင်းချမှုနှင့်ပတ်သက်ပြီး ၂၀၂၁ခုနှစ်၊ဒီဇင်ဘာလ(၂၂)ရက်နေ့တွင် ညွှန်ကြားချက်အမှတ်(၁/၂၀၂၁)ဖြင့် စျေးကွက် အတွင်းရောင်းချလျှက်ရှိသည့် စားသုံးဆီများအနက်မှ အချို့သောစားသုံးဆီများတွင် ဟင်းသီးဟင်းရွက်ဆီ(Vegetable Oil,Cooking Oil)ဟူ၍ ဖော်ပြပြီး ထုတ်လုပ်ဖြန့်ဖြူးရောင်းချလျှက်ရှိကြောင်း ၊ အဆိုပါ ကုန်အညွှန်းအမှတ်အသားဖော်ပြခြင်းဆိုင်ရာ ပြဌာန်းချက်များအရ ကုန်စည်တစ်ခုခု၏အမျိုး အမည်မဟုတ်သည့်အပြင် ပင်ရင်းပါဝင်ပစ္စည်းကို အခြေခံဖော်ပြထားခြင်းမရှိသော ယေဘူယျဆန်သည့်အမျိုးအမည်တစ်ခုဖြစ်သောကြောင့် ပင်ရင်း ပါဝင်ပစ္စည်းကိုအခြေခံသော ကုန်စည်၏အမျိုးအမည်ကိုတိကျစွာ မြန်မာဘာသာဖြင့် ဖော်ပြရမည် ဖြစ်ကြောင်း ၊ ဥပမာ - ဟင်းသီးဟင်းရွက်ဆီ (စားအုန်းဆီ/အဆင့်မြင့်စားအုန်းဆီ)နှင့် ကုန်စည်၏ အသားတင်ပမာဏနှင့်အရွယ်အစားတို့အား မြန်မာ့အလေးချိန်ယူနစ်ဖြစ်သော ပိဿာ၊ ကျပ်သား တို့ကို မြန်မာဘာသာဖြင့်ဖော်ပြရမည်ဟု ညွှန်ကြားချက်ထုတ်ပြန်ခဲ့ကြောင်း ၊ ၄င်းညွှန်ကြားချက်ပါ အကြောင်းအရာများသည် စတင်ထုတ်ပြန်ပြီး(၆)လပြည့်မြောက်ပြီးသည့် နေ့ရက်မှစတင် အာဏာ သက်ရောက်မည်ဖြစ်ပြီး စီးပွားရေးလုပ်ငန်းရှင်များအနေဖြင့် လိုက်နာမှုမရှိပါက စားသုံးသူကာကွယ် ရေးဥပဒေအရအရေးယူဆောင်ရွက်သွားမည်ဖြစ်ကြောင်း အသေးစိတ်ရှင်းလင်းပြောကြားခဲ့ကြောင်း သတင်းရရှိပါသည်။

DOCA(မန္တလေး)