ဧရာဝတီတိုင်းဒေသကြီး၊ မအူပင်ခရိုင်၊မအူပင်မြို့နယ်တွင် တိုင်းဒေသကြီး FDA အစားအသောက် ဆေးဝါးကွပ်ကဲရေးဦးစီးဌာန၊ Mobile Laboratory စစ်ဆေးရေးအဖွဲ့သည် ခရိုင်စားသုံးသူရေးရာဦးစီးဌာန၊ ခရိုင် ကျန်းမာရေးဦးစီးဌာန၊ စည်ပင်သာယာရေးအဖွဲ့တို့နှင့်အတူ ပူးပေါင်း၍ (၁၄.၈.၂၀၂၄) ရက်နေ့၊နံနက် (၁၀:၀၀) နာရီအချိန်တွင် မအူပင်မြို့ပေါ်ရှိ ကုန်မျိုးစုံ၊ အလှကုန်များကိုလည်းကောင်း၊ မျှင်ငါးပိ၊ ပဲပြား၊ပဲသွေး တို့တွင် ဖော်မလင်သုံးစွဲမှု ရှိ/မရှိ ကို ဈေးကွက်နမူနာကောက်ယူ၍ ဈေးကွက်စောင့်ကြည့် စစ်ဆေးခဲ့ကြပါသည်။
ကွင်းဆင်းစစ်ဆေးရာတွင် စာသုံးသူရေးရာဦးစီးဌာနမှ ဒု-ခရိုင်ဦးစီးမှူး ဦးအောင်ဇော်ဦးနှင့် တာဝန်ရှိ သူများက စျေးအတွင်း ဖြန့်ဖြူးရောင်းချနေသည့် အလှကုန်ပစ္စည်းများအရောင်းဆိုင်တွင် ကျန်းမာရေးအတွက် ဘေးအန္တရာယ် ကင်းရှင်းပြီး အရည်အသွေးကောင်းမွန်သည့် အကျိုးအာနိသင်ကောင်းရရှိနိုင်သော အလှကုန် ပစ္စည်း များကို ပြည်သူများ ရောင်းဝယ်သုံးစွဲနိုင်စေရေးစစ်ဆေးခြင်း၊ FDA တွင် မှတ်တမ်းတင်ထားသော အလှကုန်ပစ္စည်းများကိုသာ ရောင်းချနိုင်ရေးနှင့် တားမြစ်အလှကုန်ပစ္စည်းများ၊ သက်တမ်းလွန် ကုန်ပစ္စည်း များ ရောင်းချမှုမရှိစေရေးအတွက် စစ်ဆေးခြင်း စားသုံးသူရေးရာဦးစီးဌာန၏ စားသုံးသူကာကွယ်ရေးဥပဒေ ၂၀၁၉အရ အခန်း(၁၈)ကုန်အညွှန်းအမှတ် အသားဖော်ပြခြင်းနှင့် စပ်လျဉ်း၍ သတ်မှတ်ချက်နှင့် ပြည်စုံစွာ ဖော်ပြပါဝင်သော ကုန်စည်များကို ရောင်းချခြင်း ရှိ/မရှိကို လိုက်လံကြည့်ရှု စစ်ဆေးခဲ့ကြသည်။
ဆက်လက်၍ FDAအစားအသောက်ဆေးဝါးကွပ် ကဲရေးဦးစီးဌာနက ပြည်သူများသုံးစွဲ ရန်မသင့် ကြောင်း အသိပေးထုတ်ပြန်ထားသော တားမြစ်ဓာတုပစ္စည်းများပါဝင်တဲ့ အလှကုန်ပစ္စည်း (၁၂) မျိုးကို မအူပင်ဈေးကွက်အတွင်း ရောင်းချနေမှု ရှိ/မရှိကို စစ်ဆေးခြင်း၊ မျှင်ငါးပိ၊ ပဲသွေး၊ ပဲပြား၊ ငရုတ်သီးမှုန့်၊ Mobile Laboratory ဖြင့် စစ်ဆေးဆောင်ရွက်ခြင်းများပြုလုပ်ပြီး အခြားသောကုန်စည်တစ်ချို့ကို ဈေးကွက်နမူနာ ကောက်ယူခြင်းများ ပြုလုပ်ခဲ့ကြောင်းသိရသည်။ ထို့နောက် တာဝန်ရှိသူများက သုံးစွဲရန်မသင့်သည့် အလှကုန်ပစ္စည်းများ၊ တားမြစ်ပစ္စည်းများကို ရောင်းချမှုမရှိစေရေးအတွက် ဆိုင်ရှင်များအား အသိပညာပေး ပြောကြား ခဲ့ပြီး လက်ကမ်းစာစောင်များကို ဖြန့်ဝေပေးခဲ့ကြောင်း သတင်းရရှိပါသည်။
DOCA(ဧရာဝတီ)