၂၀၂၄ ခုနှစ်၊သြဂုတ်လ ၂၃ ရက်နေ့၊ နံနက်(၁၀:၃၀)နာရီအချိန်တွင် တနင်္သာရီတိုင်းဒေသကြီး၊ ထားဝယ်ခရိုင် အထွေထွေအုပ်ချုပ်ရေးဦးစီးဌာန၊ ဧည့်ရိပ်သာခန်းမတွင် အသေးစားစက်မှုလက်မှု လုပ်ငန်းဦးစီးဌာန၊ ထားဝယ်ခရိုင်မိခင်နှင့်ကလေး စောင့်ရှောက်မှုကြီးကြပ်ရေးအဖွဲ့တို့ပူးပေါင်း ဖွင့်လှစ်သည့် လူသုံးကုန်နှင့် အလှကုန်ထုတ်လုပ်မှုနည်းပညာသင်တန်းတွင် စားသုံးသူကာကွယ်ရေး ဥပဒေအကြောင်း ဟောပြောဆွေးနွေးခဲ့ပါသည်။
အဆိုပါဟောပြောပွဲတွင် စားသုံးသူရေးရာဦးစီးဌာနမှ ဦးစီးအရာရှိ ဒေါ်အေးအေးလွင်မှ စားသုံးသူအခွင့်အရေးများနှင့် တာဝန်များအကြောင်း၊ ကုန်အညွှန်းအမှတ်အသားများအကြောင်းနှင့် စားသုံးသူနစ်နာဆုံးရှုံးမှုများအား တိုင်ကြားနိုင်သည့်နည်းလမ်းများအကြောင်း၊ အွန်လိုင်းစနစ်ဖြင့်စျေး ဝယ်ယူရာတွင် သတိပြုသင့်သည့်အချက်များနှင့် အွန်လိုင်းစနစ်ဖြင့်ရောင်းချရာတွင် မှတ်ပုံတင်ဆောင်ရွက်ပြီးမှသာ ရောင်းချနိုင်ရေးနှင့် မှတ်ပုံတင်ရာတွင် လိုအပ်သည့်အခြခံအချက်အလက်များအား ရှင်းလင်းဟောပြောဆွေးနွေးခဲ့ကြောင်း သိရှိရပါသည်။
DOCA(တနင်္သာရီ)