ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ်အတွင်းရှိ ဆေးဆိုင်များတွင် ရောင်းချလျက်ရှိသော တိုင်းရင်းဆေးအမျိုးမျိုးတို့တွင် ကုန်အညွှန်းအမှတ်အသား ဖော်ပြခြင်းဆိုင်ရာ ပြည့်စုံစွာ ဖော်ပြပါရှိခြင်း ရှိ/မရှိကို ဩဂုတ်လ ၁၂ ရက်နေ့သည်၊နံနက် (၁၀:၀၀) နာရီခွဲအချိန်တွင် ပူးပေါင်းအဖွဲ့ဖြင့် ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရသည်။
ထိုသို့ကွင်းဆင်းစစ်ဆေးခဲ့ရာတွင် ဒလမြို့နယ်စည်ပင်သာယာရေးအဖွဲ့မှ ဈေးတာဝန်ခံနှင့် စားသုံးသူရေးရာဦးစီးဌာနမှ မြို့နယ်တာဝန်ခံတို့မှ ဒလမြို့နယ်၊ ရပ်ကွက်များအတွင်းရှိ ဆေးဆိုင် များတွင် ဈေးကွက်အတွင်း ဖြန့်ဖြူးရောင်းချလျက်ရှိသော တိုင်းရင်းဆေးအမျိုးမျိုးတို့တွင် စားသုံးသူများ ဘေးအန္တရာယ်ကင်းရှင်းစေရေးနှင့် ထုတ်ကုန်လုံခြုံစိတ်ချရမှုရှိစေရေးတို့အတွက် မြန်မာနိုင်ငံတိုင်းရင်းဆေးဦးစီးဌာနမှ ခွင့်ပြုချက်မှတ်ပုံတင်အမှတ်နှင့် စားသုံးသူရေးရာဦးစီးဌာနမှ ထုတ်ပြန်ထားသော တိုင်းရင်းဆေးအမျိုးမျိုးတို့တွင် မဖြစ်မနေဖော်ပြပါရှိရမည့် သတ်မှတ်ထားသော ကုန်အညွှန်းအမှတ်အသားဖော်ပြခြင်းဆိုင်ရာအချက်များပြည့်စုံစွာ ဖော်ပြပါရှိခြင်း ရှိ/မရှိ ကွင်းဆင်းစစ်ဆေးခဲ့ကြောင်း သိရသည်။
DOCA(ရန်ကုန်)