ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မြောင်းမြမြို့နယ်ရှိ အသေးစား၊ အလတ်စားလုပ်ငန်းရှင်များအား ခရိုင်ဦးစီးမှူးနှင့် ဒု-ခရိုင်ဦးစီးမှူးသည် ဆီလုပ်ငန်းရှင်များအသင်းနှင့် ပူးပေါင်း၍ (၁.၉.၂၀၂၄) ရက်နေ့ ၊နေ့လယ် (၁၅:၀၀) နာရီအချိန်တွင် စားသုံးသူရေးရာဦးစီးဌာနရုံး၌ အသေးစား၊ အလတ်စားလုပ်ငန်းရှင်များနှင့်တွေ့ဆုံပြီး ဆီခွဲဝေရရှိမှုနှင့် ပတ်သက်၍ အသိပညာပေး ဟောပြောပွဲ ပြုလုပ်ဆောင်ရွက်ခဲ့ပါသည်။
ထိုသို့ ဟောပြောဆွေးနွေးရာတွင် မြောင်းမြခရိုင်ဦးစီးမှူးမှ တက်ရောက်လာသောအသေးစား၊ အလတ်စားလုပ်ငန်းရှင်များကို မိတ်ဆက်စကားပြောကြားပြီး မိမိတို့လုပ်ငန်းလိုအပ်ချက်ပေါ်မူတည်၍ ဆီခွဲတမ်းများကို အညီအမျှခွဲဝေပေးမည်ဖြစ်ကြောင်း ပြောကြားလျက် ဆက်လက်၍ ဒု-ခရိုင်ဦးစီးမှူးကလည်း မိမိတို့လုပ်ငန်းလိုအပ်ချက်မျှသာ စားအုန်းဆီကိုလျှောက်ထားရန်ဖြစ်ပြီး လျှောက်ထားလာသော လူဦးရေပေါ်မူတည်၍ဆီအသင်းနှင့်တိုင်ပင်ပြီး လိုအပ်သည့်ဆီများကို အညီအမျှခွဲဝေပေးရကြောင်း ဝယ်ယူရရှိသော ဆီများအား ပြင်ပသို့ ပြန်လည်ရောင်းချခြင်းမပြုရန် ပြောကြားခဲ့ကြောင်း ၊ ဟောပြောပွဲသို့ အသေးစား၊ အလတ်စားလုပ်ငန်းရှင်(၅၄)ဦး တက်ရောက်ခဲ့ကြောင်း သိရှိရပါသည်။
DOCA(ဧရာဝတီ)