စားသုံးသူရေးရာဉီးစီးဌာန၊ မြောက်ပိုင်းခရိုင်ဦးစီးမှူးရုံးမှ မြို့နယ်တာန်ခံများသည် မိမိတို့ မြို့နယ်အလိုက် ဈေးကွက်အတွင်း စားအုန်းဆီရောင်းချနေမှု အခြေအနေများအား ၂၀၂၄ ခုနှစ်၊ စက်တင်ဘာလ (၁၀)ရက်နေ့တွင် ကွင်းဆင်းစစ်ဆေးခဲ့ကြပါသည်။
အဆိုပါ ကွင်းဆင်းစစ်ဆေးမှုတွင် မြို့နယ်တာဝန်ခံများက အရောင်းဆိုင်များ၌ ကိုယ်စားလှယ် ဖြန့်ဝေပေးသည့်ဈေးနှုန်းအပေါ် ပြန်လည်ရောင်းချသည့်ဈေးနှုန်းများကို ဆိုင်းဘုတ်များဖြင့် ချိတ်ဆွဲရောင်းချမှုရှိ/မရှိ၊ အရောင်းဆိုင်များအနေဖြင့် အလေးချိန် အချင်အတွယ် ပြည့်ဝမှုရှိ/မရှိနှင့် ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့်လုပ်ဆောင်မှုများ ပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း၊ စာအုပ်စနစ်ဖြင့် ရောင်းချနေသော မင်္ဂလာဒုံ၊ ရွှေပြည်သာ၊ တိုက်ကြီး၊ မှော်ဘီ၊ လှည်းကူးနှင့် ထန်းတပင် မြို့နယ်များတွင် အိမ်ထောင်စုတစ်စု တစ်လလျှင် (၂)ပိဿာ (၅၀)ကျပ်သားနှုန်းဖြင့် ရောင်းချနေကြောင်း ကျန်မြို့နယ်များတွင်လည်း စာအုပ်စနစ်ဖြင့် ရောင်းချရန် ဆောင်ရွက်လျက်ရှိကြောင်း သိရှိရပါသည်။
DOCA(ရန်ကုန်)