ဧရာဝတီတိုင်းဒေသကြီး ၊ စားသုံးသူရေးရာဦးစီးဌာန၊ မြောင်းမြခရိုင်အတွင်းရှိ အိမ်မဲမြို့နယ် တာဝန်ခံ ဒေါ်ဇင်မာသန်းဝန်ထမ်းများသည် မြို့နယ်ကျန်းမာရေးဦးစီးဌာန ၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ (၁၀.၉.၂၀၂၄)ရက်နေ့၊ နံနက်(၁၁:၀၀)နာရီတွင် အိမ်မဲမြို့ပေါ်ရှိဆေးဆိုင်များအား ကွင်းဆင်းစစ်ဆေးခြင်း ဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးရာတွင် မြို့နယ်တာဝန်ခံမှ ဆေးဆိုင်များတွင် ဆေးဝါးပြတ်လပ်မှုရှိ/မရှိ စစ်ဆေးခြင်း၊ သက်တမ်းလွန်နေသော ဆေးဝါးများရောင်းချခြင်းရှိ/မရှိစစ်ဆေးခြင်း၊ တိုင်းရင်းဆေးများ ရောင်းချရာတွင် ကုန်အမှတ်တံဆိပ် ၊ အမျိုးအမည် ၊ အရွယ်အစား ၊ အရေအတွက် ၊ အသားတင်ပါဝင်မှု ၊ ထားသိုရမည့်နေရာ ၊ သုံးစွဲပုံအညွန်း ၊ ကြိုတင်သတိပေးချက်နှင့် ဘေးထွက်ဆိုးကျိုးများ ဖော်ပြထားခြင်း ရှိ/မရှိစစ်ဆေးခြင်း၊ ဖြစ်သင့်ဖြစ်ထိုက်သောဈေးနှုန်းနှင့် ဈေးနှုန်းမြင့်တင်၍ ရောင်းချခြင်းရှိ/မရှိ စစ်ဆေးခြင်းများပြုလုပ်ခဲ့ပြီး ဈေးနှုန်းမြှင့်တင်ရောင်းချခြင်း စစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ်ကြောင်းကို ဆေးဆိုင်ပိုင်ရှင်များအား ရှင်းလင်းပြောကြားခဲ့သည်ဟု သိရှိရပါသည်။
DOCA(ဧရာဝတီ)