ဧရာဝတီတိုင်းဒေသကြီး စားသုံးသူရေးရာဦးစီးဌာန မြောင်းမြခရိုင် ဝါးခယ်မမြို့နယ်တာဝန်ခံ ဦးအောင်မိုးနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၁.၁၀.၂၀၂၄)ရက် နေ့၊ နံနက်(၁၁:၀၀)နာရီအချိန်တွင် ဝါးခယ်မမြို့နယ် မြို့မဈေးအတွင်းအပြင်ရှိ လက်လီ/လက္ကား ရောင်းချနေသောစားအုန်းဆီဆိုင်များအား သတ်မှတ်ရည်ညွှန်းဈေးဖြင့် ရောင်းချခြင်း၊ ဈေးနှုန်းမြှင့် တင်ရောင်းချခြင်း ရှိ/မရှိ ကွင်းဆင်းစစ်ဆေးဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးဆောင်ရွက်ရာတွင် အထက်ဌာန၏လမ်းညွှန်ချက်အရ စားအုန်းဆီ ရောင်းချနေသောလုပ်ငန်းရှင်များအနေဖြင့် မိမိတို့ဆိုင်များတွင် သတ်မှတ်ရည်ညွှန်းဈေးနှုန်းကို စားသုံးသူပြည်သူများမြင်သာသောနေရာတွင် ဗီနိုင်းဖြင့် ချိတ်ဆွဲထားရှိရန်၊ ရန်ညွှန်းဈေးအတိုင်း ရောင်းချပေးရန်၊ အလေးချိန်ပြည့်ဝမှန်ကန်မှုရှိစေရန်၊ ဈေးနှုန်းမြှင့်တင်ရောင်းချခြင်းများ စစ်ဆေးတွေ့ရှိပါက ပထမအကြိမ်၊ ဒုတိယအကြိမ်အထိ ခေါ်ယူသတိပေး ဝန်ခံကတိရေးထိုးစေပြီး တတိယအကြိမ်ဖြစ်ပါက အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ်ကြောင်း သက်ဆိုင်ရာဌာနများ၏ အမိန့်၊ညွှန်ကြားချက်၊ ဥပဒေများအား လိုက်နာဆောင်ရွက်ကြရန် လက်လီ/လက္ကားရောင်းချနေသော စားအုန်းဆီဆိုင်ပိုင်ရှင်များအား အသိပေးဆွေးနွေး မှာကြားခဲ့ပါသည်။
DOCA(ဧရာဝတီ)