ဓါတ်သတ္တု(ရွှေ)ရောင်းဝယ်ခြင်း ဝန်ဆောင်မှုလုပ်ငန်း လိုင်စင်လျှောက်ထားမှုနှင့် ပတ်သက်၍ ရွှေလုပ်ငန်းရှင်များနှင့် တွေ့ဆုံဆွေးနွေးခြင်း အခမ်းအနားကျင်းပပြုလုပ်

     ၂၀၂၄ ခုနှစ်၊ နိုဝင်ဘာလ ၂၇ ရက်နေ့၊ နံနက်(၁၀း၀၀)နာရီအချိန်တွင် တနင်္သာရီတိုင်းဒေသကြီး၊ ထားဝယ်မြို့၊ မြို့တော်ခန်းမတွင် ကျင်းပပြုလုပ်သည့် ဓါတ်သတ္တု(ရွှေ)ရောင်းဝယ်ခြင်း ဝန် ဆောင်မှုလုပ်ငန်း လိုင်စင်လျှောက်ထားမှုနှင့် ပတ်သက်၍ ရွှေလုပ်ငန်းရှင်များနှင့် တွေ့ဆုံဆွေးနွေးခြင်း အခမ်းအနားသို့ တနင်္သာရီတိုင်းဒေသကြီးစားသုံးသူရေးရာဦးစီးဌာန၊ တိုင်းဒေသကြီးဦးစီးမှူးမှ တက်ရောက်ခဲ့ပါသည်။

       အစည်းအဝေးတွင် တနင်္သာရီတိုင်းဒေသကြီး ဓါတ်သတ္တု(ရွှေ) ရောင်းဝယ်ခြင်း ဝန်ဆောင်မှုလုပ်ငန်း ကနဦးစိစစ်ရေးအဖွဲ့ အတွင်းရေးမှူး၊ တိုင်းဒေသကြီးသတ္တုတွင်းဦးစီးဌာန ညွှန်ကြားရေးမှူး၊ တိုင်းဒေသကြီးအစိုးရအဖွဲ့ရုံး၊ ညွှန်ကြားရေးမှူး၊ တိုင်းဒေသကြီးအထူးစုံစမ်းစစ်ဆေးရေးဦးစီးဌာန၊ ညွှန်ကြားရေးမှူးတို့မှ ဆောင်ရွက်ရမည့် လုပ်ထုံးလုပ်နည်းများနှင့်စပ်လျဥ်း၍ ရှင်းလင်းဆွေးနွေးခြင်း၊ တိုင်းဒေသကြီးစားသုံးသူရေးရာဦးစီးဌာန၊ တိုင်းဒေသကြီးဦးစီးမှူးမှ အွန်လိုင်းဖြင့်စနစ်ဖြင့် ရောင်းချမည်ဆိုပါက စီးပွားရေးနှင့်ကူးသန်းရောင်းဝယ်ရေးဝန်ကြီးဌာနတွင် အွန်လိုင်းမှတ်ပုံတင်လျှောက်ထား ရယူပြီးမှသာ ဆောင်ရွက်ရမည်ဖြစ်ပါကြောင်းနှင့် အွန်လိုင်းမှတ်ပုံတင်လျှောက်ထားခြင်းနှင့် ပတ်သက်သည့် အချက်အလက်များအကြောင်း ရှင်းလင်း ဆွေးနွေးခဲ့ကြပြီး ရွှေလုပ်ငန်းရှင်များမှ သိရှိလိုသည်များအား မေးမြန်းခဲ့ရာ သက်ဆိုင်ရာဌာဆိုင်ရာများမှ ပြန်လည်ဖြေကြားပေးခဲ့ပြီး အခမ်းအနား အား နေ့လယ်(၁၂း၀၀)နာရီ အချိန်တွင် ပြီးမြောက်ခဲ့ကြောင်း သိရှိရပါသည်။

DOCA(တနင်္သာရီ)