ရန်ကုန်တိုင်းဒေသကြီး တွံတေးခရိုင်၊ ကော့မှူးမြို့နယ်၌ မိုးစပါးစံကွက်ရိတ်သိမ်းပွဲတွင် နေကြာမျိုးစေ့နှင့် ပိုက်ဆံလျှော်များ ထောက်ပံ့ပေးအပ်ခြင်းအခမ်းအနားကို မြို့နယ်စိုက်ပျိုးရေး ဦးစီးဌာနမှဦးစီး၍ နိုဝင်ဘာလ(၂၆)ရက်နေ့၊ နံနက် (၀၉:၀၀)အချိန်တွင် ကော့မှူးမြို့နယ် မကျီးကန် ကျေးရွာအုပ်စု၊ ကွင်းအမှတ်(၃၀၃)၊ ဦးပိုင်အမှတ်(၄၀/၁)၊ ဧရိယာ(၁.၇၀)ဧကရှိ တောင်သူ ဒေါ်သန်းသန်းဦးပိုင် လယ်မြေ၌ ကျင်းပပြုလုပ်ခဲ့ကြောင်း သိရသည်။
ထိုသို့ မိုးစပါးစံကွက်ရိတ်သိမ်းခဲ့ရာတွင် ငစိန်အုပ်စု ထွန်းပုစပါးမျိုး (၀.၁၀)ဧကအား ရိတ်သိမ်းခဲ့ရာတွင် တစ်ဧကပျမ်းမျှအထွက်နှုန်း (၇၅)တင်းထွက်ရှိခဲ့ကြောင်းသိရသည်။ ဆက်လက်၍ တွံတေးခရိုင်စီမံအုပ်ချုပ်ရေးအဖွဲ့ အဖွဲ့ဝင်(၂)၊ ဦးဝင်းထွန်းနိုင်မှ ပိန္နဲကုန်းကျေးရွာမှ သီးထပ်စိုက်ပျိုး တောင်သူဦးတင်ဦးထံသို့ နေကြာမျိုးစေ့ထောက်ပံ့ပေးခဲ့ပြီး ကော့မှူးမြို့နယ်စီမံအုပ်ချုပ်ရေးအဖွဲ့ ဥက္ကဌ ဦးမျိုးမင်းများထောက်ပံ့ပေးခဲ့ကြောင်း သိရသည်။
အဆိုပါမိုးစပါး စံကွက်ရိတ်သိမ်းပွဲတွင် နေကြာမျိုးစေ့နှင့် ပိုက်ဆံလျှော်မျိုးစေ့များ ထောက်ပံ့ပေးအပ်ပွဲအခမ်းအနားသို့ တွံတေးခရိုင်စီမံအုပ်ချုပ်ရေးအဖွဲ့၊ မြို့နယ်အထွေထွေအုပ်ချုပ်ရေး ဦးစီးဌာန၊ မြန်မာနိုင်ငံရဲတပ်ဖွဲ့၊ စိုက်ပျိုးရေးဦးစီးဌာန၊ မြေစာရင်းဦးစီးဌာန၊ စားသုံးသူရေးရာဦးစီးဌာနနှင့် ကော့မှူးမြို့နယ်ရှိဌာနဆိုင်ရာတာဝန်ရှိသူများ ဒေသခံတောင်သူဦးရေ(၁၆၀)ဦးတို့ တက်ရောက်ခဲ့ကြောင်း သိရသည်။
DOCA(ရန်ကုန်)