“ခရမ်းမြို့နယ်အတွင်းရှိ ကြက်ခြံများကြက်ဥထုတ်လုပ်နေမှု အခြေအနေကွင်းဆင်းစစ်ဆေးခြင်း”

    ရန်ကုန်တိုင်းဒေသကြီး သန်လျင်ခရိုင် ခရမ်းမြို့နယ်အတွင်းရှိ ကြက်ခြံများတွင် ကြက်ဥထုတ်လုပ်လက်ကားဖြန့်ဖြူးရောင်းချပေးလျှက်ရှိသော စီးပွားရေးလုပ်ငန်းရှင်များကြက်ဥ ထုတ်လုပ် နိုင်မှုအခြေအနေအား နိုဝင်ဘာလ(၂၇)ရက်နေ့၊ နံနက်(၀၉:၃၀)နာရီအချိန်တွင် ပူးပေါင်းအဖွဲ့ဖြင့် သွားရောက်ကွင်းဆင်းစစ်ဆေးခဲ့ကြောင်း သိရသည်။

   ထိုသို့ကွင်းဆင်းစစ်ဆေးခဲ့ရာတွင် ခရမ်းမြို့နယ်စီမံအုပ်ချုပ်ရေးအဖွဲ့၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ရဲတပ်ဖွဲ့၊ မြို့နယ်စားသုံးသူ ရေးရာဦးစီးဌာန၊ မြို့နယ်မွေးမြူရေးနှင့်ကုသရေးဦးစီးဌာန တို့ပူးပေါင်း၍ ကသ္သယ်ကုန်းကျေးရွာရှိ အောင်စံကုန်း ကြက်မွေးမြူရေးခြံ၊ ဦးချစ်စံ၏ဥစားကြက်မွေးမြူရေးခြံနှင့် အမှတ်(၃)ရပ်ကွက်ရှိ မြတ်ပန်းခိုင် ကြက်ဥအရောင်းဒိုင်များသို့ ကြက်ဥထုတ်လုပ်၊ လက်ကားဖြန့်ဖြူးရောင်းချပေးလျက်ရှိသော စီးပွားရေးလုပ်ငန်းရှင်များအနေဖြင့် မွေးမြူထားသော ဥစားကြက်အကောင်အရေအတွက်တစ်ရက်လျှင် ကြက်ဥထုတ်လုပ်နိုင်မှု၊ ဖြန့်ဖြူးရောင်းချပေးနေသောနေရာဒေသ ရောင်းချပေးနေသည့်ဈေးနှုန်း ကြက်ဥဒိုင်မှ လက်ကားအရောင်းဈေးနှုန်းတို့အား စာရင်းများ ကောက်ယူခဲ့ပြီး အခြေခံစားသောက်ကုန်ဖြစ်သည့် ကြက်ဥဈေးနှုန်းများ တည်ငြိမ်စေရေးတို့အတွက် မြေပြင်ကွင်းဆင်းစစ်ဆေးခဲ့ခြင်း  လုပ်ငန်းများသက်ဆိုင်ရာဌာနတို့ ပူးပေါင်းဆောင်ရွက်ခဲ့ကြကြောင်း သိရသည်။

DOCA(ရန်ကုန်)