မကွေးတိုင်းဒေသကြီး၊ မကွေးမြို့နယ်တာဝန်ခံသည် (၂၆.၁၁.၂၀၂၄)ရက်နေ့၊ နံနက် (၀၆:၀၀) နာရီအချိန်တွင် မကွေးမြို့၊ မင်္ဂလာစျေးရှိ အခွန်လွတ်စျေးတွင် အစားအသောက်နှင့်ဆေးဝါးကွပ်ကဲရေးဦးစီးဌာန၊ စျေးတာဝန်ခံ (စည်ပင်သာယာရေးအဖွဲ့)များနှင့် ပူးပေါင်းပြီး စျေးကွက်အတွင်း ရောင်းချလျက်ရှိသော ကုန်စည်များအား နမူနာဝယ်ယူပြီး စားသုံးသူများဘေးကင်းစေရေး Mobile Lab Van ဖြင့် စစ်ဆေးခြင်း ဆောင်ရွက်ခဲ့ပါသည်။
နမူနာဝယ်ယူ၍ Mobile Lab Van ဖြင့် ချက်ချင်းစစ်ဆေးခဲ့သော အမဲသွေး၊ ပဲပြား(S/ K)၊ ပုန်းရည်၊ အသားတု၊ သရက်ချဉ်၊ မုန့်ဖက်၊ ခေါက်ဆွဲဖက်၊ ခေါက်ဆွဲခြောက်၊ ငါးပတ်ခြောက်၊ ငပိ၊ လက်ဖက်တို့၌ ခွင့်မပြုတာရှည်ခံဆေးနှင့်ခွင့်မပြုဆိုးဆေးများ သုံးစွဲထားကြောင်း မတွေ့ရှိရဘဲ ကျန်ရှိနေသော နနွင်းမှုန့်၊ အရောင်တင်မှုန့်၊ ငရုတ်သီးမှုန့်နှင့် ပဲနီလေးတို့အား အစားအသောက်နှင့်ဆေးဝါးကွပ်ကဲရေးဦးစီးဌာနပိုင် ဓါတ်ခွဲခန်းသို့ ယူဆောင်စစ်ဆေးပြီး စားသုံးရန်မသင့်ကြောင်းစစ်ဆေးတွေ့ရှိပါက ထုတ်လုပ်သူ လုပ်ငန်းရှင်များအား ဥပဒေအရ အရေးယူဆောင်ရွက်သွားမည်ဖြစ်ကြောင်း သိရှိရပါသည်။
DOCA(မကွေး)