ဒီဇင်ဘာလတွင်ထန်းပင်မှအပွင့် တစ်ဖန်ပွင့်ကြသေးသည်။ ထန်သီးသည် အရွက်၏ အရင်း၌ကပ်၍ အခိုင်လိုက် တွဲလျက်သီးပါသည်။ ထန်းသီးတစ်လုံး၌ အထဲတွင်အသီးမြွာ (၃) မြွာရှိပါသည်။ထန်းသီးနုနုလေးစားရတာက ဂျယ်လီလေးစားရသလိုပါပဲ။ ဆိုးဆေးတွေ ၊ပြုပင်ထားတဲ့ အချိုဓါတ်တွေကင်းစင်တဲ့ သဘာဝရဲ့ ဂျယ်လီလေးပါ။ နွေရာသီမှာ ထန်းသီး နုနုချိုချိုလေးကို ပင်ပွားလေးနဲ့ရောလို့ နို့စိမ်းလေး၊ရေခဲလေးနဲ့ရာစပ်လိုက်ရင် ထန်းသီးဖော်ရည် ချိုအေးမွှေးလေးက ရင်အေးစေပါသည်။ မနုမရင့်လေးတွေကိုလည်း ကျောက်ကျောထိုး စားလို့ရ သလိုအမျိုးမျိုးအဖုံဖုံစားလို့ရတဲ့ ထန်းသီးနုနုလေးက စားကောင်းရုံတင်မက ကျန်းမာရေး အတွက်လည်းကောင်းစေပါသည်။အညာဒေသတွေရဲ့ အမှတ်အသားလို့ တောင် ပြောလို့ရတဲ့ ထန်းပင်လေးက သားသမီးတစ်ယောက်ထက်တောင်ပိုပြီး အသုံးကျသေးတယ်၊ လို့ပြောတာ ကိုကြားဖူး ပါသည်။ထန်းပင်ရဲ့ အရွက်က အမိုးမိုးလို့ရပါသည်။ ထန်းသီးအဆံက စားလို့ရသလို မှည့်သွားရင်လည်း အနှစ်တိုက်ပြီး ထန်းသီးမုန့်လုပ်စား လို့ရပါသည်။ အမြစ်ကလည်း စားလို့ရပါသည်။ ထန်းပင်ကအိုသွားလို့ ခုတ်လှဲရပြီဆိုရင်လည်း ပင်စည်ကို ကြမ်းခင်းအဖြစ် သုံးလို့ရပါသည်။ ထန်းရည်နဲ့ ထန်းလျက်ကလည်း ထန်းပင်ကနေရတဲ့ အရာတွေဖြစ်ပါသည်။ ထန်းသီးတစ်လုံးမှာ ၃ ခုဒါမှမဟုတ် ၄ ခုထိပါ တတ်ပါသည်။ အသီးရဲ့ လုံးပတ်က ၄ လက်မကနေ ၇ လက်မလောက်ရှိတတ်ပါတယ်။ ထန်းသီးဆံလေးရဲ့ အခွံက အဝါရောင်လိုလိုလေးသန်းနေတတ်ပြီး အတွင်းကအဆံက အဖြူ ရောင်လေးပါ။ နုရင်တော့ ခပ်ကြည်ကြည်အရည်လေးသောက်လို့ရပါသည်။ ရင်ပူတာကို သက်သာစေနိုင်ပါတယ်။ ဝမ်းမှန်စေနိုင်သလို အစာခြေပြဿာနာကို ကင်းဝေးစေပါသည်။ အစာအိမ် အတွင်းနံရံတွေကို ကျန်းမာစေနိုင်သလို အစာအိမ်ဝေဒနာရှိတယ်ဆိုရင်တောင် ထန်းသီးနုနုလေး စားပေးပါကပိုမိုကောင်းမွန်ပါသည်။ ဆီးသွားရင်နာကျင်တာ၊ ခြေကုန်လက် ပန်းကျတာ တွသက်သာစေဖိုအတွက်လည်း ထန်းသီးကိုစားပေးလို့ရကြောင်း သိပါသည်။
DOCA(ဧရာဝတီ)