မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ ဝန်ထမ်းများသည် (၁၁.၁၂.၂၀၂၄) ရက်နေ့တွင် ဘီးလင်းမြို့နယ်ပြန်ကြားရေးနှင့်ပြည်သူ့ ဆက်ဆံရေးဦးစီးဌာန Community Center ၏ Talk Show အစီအစဉ်တွင် ဒီဂျစ်တယ် ငွေကြေးဆိုင်ရာနှင့်ပတ်သက်၍ စားသုံးသူအသိပညာပေး ဆွေးနွေးခဲ့ပါသည်။
အဆိုပါ (Talk Show) တွင် ဘီးလင်းမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယဦးစီးမှူး ဒေါ်ခင်ချိုဝင်းမှ ဒီဂျစ်တယ်ငွေကြေးဆိုင်ရာနှင့်ပတ်သက်ပြီး ဆွေးနွေးမေးမြန်းခဲ့ရာ စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံရုံးမှ ဦးစီးမှူး ဒေါ်ဇင်ဖြူဝင်းမှ စားသုံးသူပြည်သူများ ကျယ်ကျယ်ပြန့်ပြန့်အသုံးပြုလာသည့် ဒီဂျစ်တယ်ငွေကြေးဆိုင်ရာ အသိပညာဗဟုသုတများရရှိပြီး လိမ်လည်လှည့်ဖြားခံရမှုနှင့် ထိခိုက်နစ်နာဆုံးရှုံးမှု မရှိစေရေး အတွက် ရည်ရွယ်ဆွေးနွေးပေးပြီး ဒီဂျစ်တယ်ငွေကြေးဆိုင်ရာနှင့် ပတ်သက်၍ Mobile Wallet (ဖုန်းပိုက်ဆံအိတ်) အကြောင်း၊ Mobile Wallet (ဖုန်းပိုက်ဆံအိတ်)များအသုံးပြုပုံ၊ အသုံးဝင်ပုံ၊ လက်ရှိအသုံးပြုနေသော Mobile Wallet (ဖုန်းပိုက်ဆံအိတ်) အမျိုးအစားများနှင့် စားသုံးသူ ပြည်သူများအနေဖြင့် ကုန်စည် (သို့မဟုတ်) ဝန်ဆောင်မှုများ ဝယ်ယူသုံးစွဲခြင်းကြောင့် ထိခိုက်နစ်နာမှုတစ်စုံတစ်ရာ ဖြစ်ပေါ်လာပါက တိုင်ကြားနိုင်သည့် နည်းလမ်းများကို ဆွေးနွေးပြော ကြားခဲ့ကြောင်း သိရှိရပါသည်။
DOCA(မွန်)