၂၀၂၄ ခုနှစ်၊ ဒီဇင်ဘာလ ၁၀ ရက် နံနက် (၀၉:၀၀) အချိန်တွင် စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်တာဝန်ခံဦးမျိုးဝင်းသန်း နှင့်ဒေါ်အိမွန်ကျော် အကြီးတန်းစာရေးတို့သည့် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် ကျန်းမာရေးဦးစီးဌာန၊ ခရိုင်စစစ၊ မြို့မရဲစခန်း၊ မြို့နယ်ပြန်/ဆက်နှင့်မြို့နယ်စည်ပင်သာယာရေးအဖွဲ့တို့မှ တာဝန်ရှိသူများနှင့်ပူးပေါင်း၍ ကန့်ဘလူမြို့ “မြို့မဈေး”ရှိ ကုန်စုံဆိုင်များအား ဈေးကွက်စောင့်ကြည့် စစ်ဆေးခဲ့ကြောင်း သိရသည်။
မြို့နယ်တာဝန်ခံနှင့်ပူးပေါင်းအဖွဲ့က ကုန်စုံဆိုင်များတွင် ရောင်းချလျက်ရှိသည့် နို့နှင့်နို့ထွက် ပစ္စည်းအမျိုးမျိုးပေါ်တွင် ကုန်အညွှန်းအမှတ်အသားများကို မြန်မာဘာသာဖြင့်ပြည့်စုံစွာဖော်ပြထား ခြင်းရှိ/မရှိစစ်ဆေးခဲ့ကြောင်း၊ မိတ်ဖက်ဌာနများကလည်း မိမိတို့နှင့်သက်ဆိုင်သည်များကို လုပ်ငန်း ရှင်များအား အသိပညာပေးဆွေးနွေးခဲ့ကြကြောင်း၊ စားသုံးသူရေးရာဦးစီးဌာနက လုပ်ငန်းရှင်အား စားသုံးသူကာကွယ်ရေးအကြောင်း သိကောင်းစရာ အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရသည်။
DOCA(စစ်ကိုင်း)