ဖျာပုံခရိုင် ၊ ကျိုက်လတ်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးမိုးမင်းသန်းနှင့် ဝန်ထမ်းတို့သည် မြို့မဈေးကြီးအတွင်းရှိ ဈေးအရာရှိ ရုံးခန်းတွင် ကုန်စုံဆိုင်လုပ်ငန်းရှင်(၁၂) ဦးအား (၉.၁၂.၂၀၂၄) ရက်နေ့တွင်စားသုံးသူကာကွယ်ရေး အသိပညာပေးဟောပြောပွဲ ပြုလုပ်ခဲ့ပါသည်။
အဆိုပါ ဟောပြောပွဲတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးမိုးမင်းသန်းက စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက်များ ၊ ကုန်စည်နှင့် စပ်လျဉ်း၍ အာမခံပေးမှု၊ ကုန်စည်အပေါ်တာဝန်ရှိမှု၊ ကုန်စည်များတွင် ကုန်အညွှန်းအမှတ်အသားဖော်ပြခြင်းဆိုင်ရာ အချက်များ၊ သက်ဆိုင်ရာကုန်စည် သတင်းအချက်အလက်များ၊ တံဆိပ်အမှတ်အသားပေါ်တွင် ဖော်ပြထားသော အခြေအနေအာမခံချက်၊ ထူးခြားချက်၊ အကျိုးသက်ရောက်မှု၊ အသားတင်အလေးချိန်၊ အရည်အသွေးအဆင့်အတန်းစသည်တို့ ပါဝင်ရန်လိုအပ်ကြောင်း၊ ကုန်စည် အမှတ်အသားပြည့်စုံစွာပါဝင်သော ကုန်ပစ္စည်းများကိုသာ ဝယ်ယူရောင်းချရန်လိုအပ်ကြောင်း၊ အသိပညာပေးဟောပြောခဲ့မှုအပေါ် သတင်းရရှိပါသည်။
DOCA(ဧရာဝတီ)