မွန်ပြည်နယ်၊ မုဒုံမြို့နယ်တွင် ဒီဇင်ဘာ (ဒုတိယပတ်) လူထုအားကစားလှုပ်ရှားမှု အထိမ်းအမှတ် လမ်းလျှောက်ပွဲကို မြို့နယ်စီမံအုပ်ချုပ်ရေးအဖွဲ့မှ ဦးဆောင်၍ (၁၄.၁၂.၂၀၂၄) ရက်နေ့ နံနက် (၀၆:၀၀) နာရီက အားကစားပြိုင်ပွဲဝင်းအတွင်းရှိ မီတာ (၄၀၀) ဘောလုံးကွင်း၌ ကျင်းပခဲ့သည်။
အဆိုပါလမ်းလျှောက်ပွဲသို့ မုဒုံမြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးပြည်သိမ်းနှင့် အဖွဲ့ဝင်များ၊ မြို့နယ်ဌာနဆိုင်ရာတာဝန်ရှိသူများ၊ အခြေခံပညာကျောင်းများမှ ဆရာ/ ဆရာမများ၊ ကျောင်းသား/သူများ၊ ရပ်ကွက်/ ကျေးရွာအုပ်ချုပ်ရေးမှူးများနှင့် ပြည်သူများ စုစုပေါင်းအင်အား ၆၀၀ ခန့် ပျော်ပျော်ရွှင်ရွှင်ဖြင့် စည်ကားသိုက်မြိုက်စွာ ပါဝင်ဆင်နွှဲ ခဲ့ကြသည်။
လူတစ်ဦးချင်းစီ၏ ကျန်းမာရေးနှင့် ခန္ဓာကိုယ်ကြံ့ခိုင်ရေးမှသည် တစ်မျိုးသားလုံး ကျန်းမာကြံ့ခိုင်စေရေးနှင့် အားကစားလိုက်စားစေရေး စသည့်ရည်ရွယ်ချက်များဖြင့် ဒီဇင်ဘာ လူထုလမ်းလျှောက်ပွဲကို အပတ်စဉ်စနေနေ့တိုင်း ဆောင်ရွက်သွားမည်ဖြစ်ရာ ကိုယ်လက်ကြံ့ခိုင်းရေးလေ့ကျင့်ခန်းများ၊ Physical Fitness Dance Exercise လေ့ကျင့်ခန်းများဖြင့် စုပေါင်းလှုပ်ရှားဆောင်ရွက်သွားမည်ဖြစ်ကြောင်း သိရသည်။
DOCA(မွန်)