မကွေးတိုင်းဒေသကြီး၊ မကွေးခရိုင်၊ မကွေးမြို့ရှိ အိမ်ဆောက်ပစ္စည်းအရောင်းဆိုင်များဖြစ်သော မြ၊ ပွင့်သာ၊ လမ်းသစ်၊ ပါရမီ၊ ရွှေဂန္ဓာ၊ ရွှေမြန်မာ၊ ဆန်းသစ်၊ စိန်ကျောက်ဆူးနှင့် ဆန်းရှိုင်း အစရှိသည့်ဆိုင်များတွင် သွပ်၊ သံ၊ အခြားပစ္စည်းများနှင့် ဘိလပ်မြေ၊ ထုံးများ ရောင်းချလျက်ရှိပါသည်။ ထိုဆိုင်များတွင် ဘိလပ်မြေများကို ဒီဇင်ဘာလ(ဒုတိယပတ်)အတွင်း မန္တလေးတိုင်းဒေသကြီး၊ ကျောက်ဆည်မြို့နှင့် နေပြည်တော်မြို့တို့မှ မကွေးမြို့သို့ ဘိလပ်မြေအိတ်ရေ(၂၉၁၀)အိတ် ဝင်ရောက်ခဲ့ကြောင်း သိရသည်။
၂၀၂၄ခုနှစ်၊ ဒီဇင်ဘာလ(ဒုတိယပတ်)အတွင်း ဖြစ်ပေါ်နေသော ဘိလပ်မြေဈေးနှုန်းများမှာ ကြံ့နှစ်ကောင် ဘိလပ်မြေတစ်အိတ်လျှင် ကျပ်(၁၂၇၀၀)၊ အပါချီ တစ်အိတ်လျှင် ကျပ်(၁၂၅၀၀)ဖြင့် ရောင်းချခဲ့ကြောင်း အိမ်ဆောက်ပစ္စည်းအရောင်းဆိုင်များထံမှ သိရှိရပါသည်။ ယခင်အပတ်နှင့် နှိုင်းယှဉ်ပါက ယခုအပတ်တွင် ကြံ့နှစ်ကောင်၊ အပါချီ တစ်အိတ်လျှင် ကျပ်(၁၂၀၀)ဈေးမြင့်တက်လာကြောင်း၊ ပွင့်လင်းရာသီဖြစ်၍ ဘိလပ်မြေနှင့် အိမ်ဆောက်ပစ္စည်းများ အရောင်းအဝယ်သွက်လျက်ရှိကြောင်း သိရှိရပါသည်။
DOCA(မကွေး)