သထုံခရိုင်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် (၁၆.၁၂.၂၀၂၄) ရက်နေ့ မွန်းလွှဲပိုင်းတွင် သထုံမြို့၊ မြို့မဈေးရှိ ဈေးတာဝန်ခံရုံး၌ အွန်လိုင်း လုပ်ငန်းလုပ်ကိုင်နေသော လုပ်ငန်းရှင်များနှင့်တွေ့ဆုံ၍ အွန်လိုင်းစနစ်ဖြင့်ရောင်းချခြင်း လုပ်ငန်းရှင်များနှင့် တွေ့ဆုံခဲ့ကြောင်း သိရှိရပါသည်။
ထိုသို့ တွေ့ဆုံဆွေးနွေးခဲ့ရာတွင် အွန်လိုင်းရောင်းချမှုနှင့် စပ်လျဉ်း၍ စိစစ်သင့်သည့် အချက်များ၊ အွန်လိုင်းမှ ဈေးဝယ်ယူရာတွင် အားသာချက်၊ အားနည်းချက်များ၊ ကုန်အညွှန်း အမှတ်အသားနှင့် ပတ်သက်သော အချက်များပါရှိသည့် ပစ္စည်းများ ရောင်းချခြင်း၊ အွန်လိုင်း မှတ်ပုံတင်မပြုလုပ်ရသေးသူများကိုလည်း မှတ်ပုံတင်ပြုလုပ်နိုင်ရေးအတွက်ပြောကြားခြင်း၊ မှတ်ပုံတင်မည့်သူများ လိုက်နာရမည့်စည်းကမ်းချက်များ၊ အွန်လိုင်းမှတ်ပုံတင်ပြုလုပ်ရာတွင် လိုအပ်သော စာရွက်စာတမ်းများ စသည်တို့ကို အသိပညာပေးရှင်းလင်း ဆွေးနွေးပြောကြား ခဲ့ကြောင်း သတင်းရရှိပါသည်။
DOCA(မွန်)