စာသုံးသူရေးရာဦးစီးဌာန၏ မျှော်မှန်းချက်ဖြစ်သော ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံစီးပွားရေး ဖွံ့ဖြိုးတိုးတက်စေရန် ရည်ရွယ်၍ စားသုံးသူရေးရာဦးစီးဌာန၊ စစ်ကိုင်းခရိုင်၊ ခေတ္တခရိုင်ဦးစီးမှူး ဦးဆောင်၍ စစ်ကိုင်းမြို့နယ် တာဝန်ခံနှင့် ဝန်ထမ်း(၁)ဦးသည် ဒီဇင်ဘာလ ၁၇ ရက်နေ့က စစ်ကိုင်းမြို့ နီလာစက်မှုဇုန်ရှိ လျှမ်းလျှမ်းတောက် ပဲကြော်လုပ်ငန်းရှင်နှင့် တွေ့ဆုံခဲ့ပါသည်။
လျှမ်းလျှမ်းတောက် ပဲကြော်လုပ်ငန်းကို ၂၀၁၄ ခုနှစ်က ရင်းနှီးမြှုပ်နှံမှု ကျပ်သိန်း(၅၀) ကျော်ခန့်ဖြင့် စတင်ခဲ့ကြောင်း၊ ကုန်ကြမ်းပဲများကို မန္တလေးကုန်စည်ဒိုင်မှ အများဆုံးဝယ်ယူပြီး ကုန်ချောပဲကြော်များကို တံတားဦး၊ ဆားတောင်၊ မြင်းမူ၊ ရွှေဘို၊ လားရှိုးနှင့် ကလေးမြို့များသို့ တင်ပို့ရောင်းချကြောင်း၊လုပ်သားကျား(၈)ဦးနှင့် မ(၅)ဦးတို့အား အလုပ်အကိုင် အခွင့်အလမ်းများ ပေးထားနိုင်ပြီး လုပ်အားခမှာ နေစရိတ်၊ စားစရိတ်ငြိမ်း ကျပ် တစ်သိန်းမှ နှစ်သိန်းငါးသောင်းထိ ပေးချေရကြောင်း၊ တစ်ရက်လျှင် ကုန်ကြမ်း ပဲကြီး၊ ကုလားပဲ၊ နှမ်း၊ မြေပဲ စုစုပေါင်း (၁၄) အိတ်ခန့် အသုံးပြု၍ ကြော်ရကြောင်း၊တစ်လလျှင်(၄)ရက်နားပြီး(၂၆)ရက်လုပ်ငန်းများဆောင်ရွက်ကြောင်း၊ ကုန်ကြမ်းပဲ (၃၀) ပိဿာဝင်အိတ် တစ်အိတ်ကြော်လျှင် ပဲအရည်အသွေးပေါ် မူတည်၍ အချိန် ပိဿာ ( ၃၀ မှ ၄၀ ) ထိ ထွက်ရှိပြီး ၊ မြေပဲ (၂၅) ပိဿာဝင် အိတ် တစ်အိတ်ကြော်လျှင်လည်း မြေပဲအရည်အသွေးပေါ်မူတည်၍ အချိန် ပိဿာ ( ၂၄ မှ ၂၅ )ထိ ထွက်ရှိကြောင်း၊ ပဲကြော် လုပ်ငန်းအတွက်စားအုန်းဆီကို အသုံးပြုပြီး၊ အမျိုးအစား၊ အရည်အသွေးပေါ် မူတည်၍ ပဲကြော် တစ်ပိဿာလျှင် ကျပ် (၁၂၀၀၀ မှ ၁၇၀၀၀ ထိ) ဈေးအသီးသီး ရောင်းချကြောင်း လျှမ်းလျှမ်းတောက် ပဲကြော်လုပ်ငန်းရှင်ထံမှ သိရှိရပါသည်။ စားသုံးသူရေးရာဦးစီးဌာန၊ စစ်ကိုင်းခရိုင်၊ ခေတ္တခရိုင်ဦးစီးမှူး ဒေါ်ခင်မြတ်မူက စားသုံးသူကာကွယ်ရေးဥပဒေ အခန်း (၁၈) ပါ ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ် ချက်များးနှင့်အညီ သိသာထင်ရှားစွာ ဖော်ပြရမည့် အချက်များကို ရှင်းလင်း ဆွေးနွေးခြင်းနှင့် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည့် အချက်များကို အသိပညာပေး ဟောပြောခဲ့ကြောင်း သတင်းရရှိပါသည်။
DOCA(စစ်ကိုင်း)