Online Sale မှတ်ပုံတင်လက်မှတ်များနှင့်စပ်လျဉ်း၍ ၂၀၂၄ ခုနှစ်၊ ဒီဇင်ဘာလကုန် မတိုင်ခင်အထိ လျှောက်ထားလာမှုများအား Online မှ မှတ်ပုံတင်လက်မှတ် ထုတ်ပေးခဲ့ရာ ၂၀၂၅ ခုနှစ်၊ ဇန်နဝါရီလ (၁) ရက်နေ့မှစ၍ Online Sale မှတ်ပုံတင်လက်မှတ် လျှောက်ထားလာမှု များအား မြေပြင်ကွင်းဆင်း၍ လျှောက်ထားသည့် အချက်အလက်များနှင့် အမှန်တကယ်ကိုက် ညီမှုရှိမှသာ မှတ်ပုံတင်လက်မှတ် ထုတ်ပေးမည်ဖြစ်ပါသည်။
မှတ်ပုံတင်လက်မှတ် ထုတ်ပေးနိုင်ရေးအတွက် မြေပြင်ကွင်းဆင်းစစ်ဆေးခြင်း လုပ်ငန်း များကို သက်ဆိုင်ရာဌာနများနှင့် ပူးပေါင်း၍ ၇-၁-၂၀၂၅ ခုနှစ်မှ စတင်စစ်ဆေးခဲ့ရာ ၂၀၂၅ ခုနှစ် ၊ ဇန်နဝါရီလ ၁၁ ရက် ၊ နံနက် ၁၀ နာရီအချိန်တွင် မန္တလေးမြို့ပေါ်ရှိ Online မှတ်ပုံတင်လျှောက်ထား သည့် လုပ်ငန်းများအား သက်ဆိုင်ရာဌာနများနှင့်ပူးပေါင်း၍ မြေပြင်ကွင်းဆင်းစစ်ဆေးခြင်း လုပ်ငန်းများ ဆောင်ရွက်မှုအား မြန်မာ့အသံနှင့် ရုပ်မြင်သံကြား မန္တလေးသတင်းဌာနခွဲမှ လိုက်ပါ သတင်းရိုက်ကူး၍ Interview အစီအစဉ်များ မေးမြန်းဆွေးနွေးခဲ့ရာ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး၊ ထုတ်ကုန်လုံခြုံစိတ်ချမှုဌာနခွဲတာဝန်ခံ၊ ဦးစီးအရာရှိ ဦးမျိုးထွန်းမှ ပြန်လည်ဖြေကြားခဲ့ပါသည်။
MRTV နှင့် တွေ့ဆုံမေးမြန်းရာတွင် Online Sale မှတ်ပုံတင်ခြင်းဆိုင်ရာ အမိန့်နှင့် ညွှန်ကြားချက် ထုတ်ပြန်ထားမှုများ၊ မှတ်ပုံတင်ဆောင်ရွက်ရမည့် Online အသုံးပြုစနစ်များ၊ မြေပြင်စစ်ဆေးမည့်ကဏ္ဍများ၊ Online စနစ်ဖြင့် ရောင်းချမှုတွင် ကုန်စည်၊ ဝန်ဆောင်မှုသတ်မှတ် ချက်များ အသုံးပြုဆောင်ရွက်နေသည့် Link အသုံးပြုမှုများ ၊ မြေပြင်စစ်ဆေးနေသည့် အဓိက အချက်အလက်များ၊ မြေပြင်စစ်ဆေးရာတွင် Mobile Application အသုံးပြု၍ စစ်ဆေးနေမှုများ၊ ယခုကဲ့သို့ ဆောင်ရွက်ခြင်းဖြင့် ဌာနဆိုင်ရာ၊ လုပ်ငန်းရှင် နှစ်ဦးနှစ်ဖက် အကျိုးရှိမှုများ၊ Online စနစ်အသုံးပြု၍ လုပ်ငန်းဆောင်ရွက်သူများ လိုက်နာဆောင်ရွက်သင့်သည့် အချက်အလက် များနှင့် လိုက်နာမှုမရှိပါက အရေးယူခံရနိုင်သည့် အခြေအနေများကို ဆွေးနွေးခဲ့ကြကြောင်း တင်ပြလိုက်ပါသည်။
DOCA(မန္တလေး)