စားသုံးသူရေးရာဦးစီးဌာန ၊ ပဲခူးတိုင်းဒေသကြီး၊ ပဲခူးခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့် တာဝန်ရှိသူများသည် (၃.၅.၂၀၂၂) ရက်နေ့၊ နံနက် (၁၀:၀၀) နာရီအချိန်တွင် ရွှေကျင်မြို့နယ်အတွင်း စက်ဆီ၊ ချောဆီနှင့် ဆက်စပ်ရေနံထွက်ပစ္စည်းများ ဖြန့်ဖြူးရောင်းချနေသည့် အရောင်းဆိုင်များတွင် အတုအပ ကုန်ပစ္စည်းများ ရောင်းချခြင်း ရှိ/မရှိ ကွင်းဆင်းစစ်ဆေးခဲ့ပါသည်။
အဆိုပါ ကွင်းဆင်းစစ်ဆေးရာတွင် ဒု-ခရိုင်ဦးစီးမှူးမှ လုပ်ငန်းရှင်များအား စက်ဆီ၊ချောဆီနှင့် ဆက်စပ် ရေနံထွက်ပစ္စည်း အတုအပများ ဈေးကွက်အတွင်းရှိနေသည့်အတွက် သတိပြုဝယ်ယူ၍ ရောင်းချရန်၊ သုံးစွဲရန်မသင့်သော အရည်အသွေးညံ့သည် စက်ဆီ၊ချောဆီများကို တရားဝင် ခွင့်ပြုချက် လိုင်စင်မရှိဘဲ ရေသန့်ဘူးများတွင် ထည့်ရောင်းခြင်းမပြုရန်၊ စက်ဆီ၊ ချောဆီနှင့် ဆက်စပ်ရေနံထွက် ပစ္စည်းများ ရောင်းချမည်ဆိုပါက စီးပွားရေးကျင့်ဝတ်စည်းကမ်းများနှင့်အညီ ရောင်းချရန်နှင့် စီးပွားရေး လုပ်ငန်းရှင်များ၏ တာဝန်နှင့် ပြစ်မှုပြစ်ဒဏ်များအကြောင်း အသိပညာပေးဆွေးနွေးပြောကြားခဲ့ကြောင်း သိရှိရပါသည်။
DOCA(ပဲခူး)