စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် (၉.၁.၂၀၂၅) နေ့လည်(၁၂:၀၀)နာရီအချိန်တွင် အမှတ်(၁၁၈၃)၊ သာယာအေး(၂)လမ်း၊ တောင်သူကုန်း၊ အင်းစိန် မြို့နယ်ရှိ ချမ်းမြေ့ဇော်အမည့်ဖြင့် အွန်လိုင်းရောင်းချမည့်အလှကုန်ပစ္စည်း၊ လူသုံးကုန် ပစ္စည်း၊ မှတ်ပုံတင်ထားသော ကုန်စည်နှင့်မြေပြင်တွင်ရှိသော ကုန်စည်များကိုက်ညီမှုရှိ/မရှိ ကွင်းဆင်းစစ်ဆေးခဲ့ ပါသည်။
ထိုသို့ ကွင်းဆင်းစစ်ဆေးခဲ့ရာ လုပ်ငန်းပိုင်ရှင်၏ နေရပ်လိပ်စာ၊ မှတ်ပုံတင်၊ ရပ်ကွက်ထောက် ခံချက်၊ အကျင့်စာရိတ္တကောင်းမွန်ကြောင်း ရဲစခန်းထောက်ခံချက်၊ လုပ်ငန်း၏ Logo နှင့် မှတ်ပုံတင် ထားသော ကုန်စည်ကို မြေပြင်စစ်ဆေးခြင်းဆိုင်ရာအချက်အလက်များ ကိုက်ညီပါကြောင်း၊ မြေပြင် ကွင်းဆင်းစစ်ဆေးခြင်း အချက်အလက်များ ကိုက်ညီမှသာ အွန်လိုင်းစနစ်ဖြင့် ကုန်စည်ရောင်းချခွင့် ရရှိမည်ဖြစ်ကြောင်း လုပ်ငန်းရှင်အား အသိပညာပေးပြောကြားခဲ့ကြောင်း သိရှိရပါသည်။
DOCA(ရန်ကုန်)