မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့နယ်၊ စကုမြို့ အခြေခံပညာအထက်တန်း ကျောင်း၌ (၁၆.၁.၂၀၂၅)ရက်နေ့၊ နံနက်(၀၉:၃၀)နာရီတွင် ခရိုင်ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ မြို့နယ်အားကစားနှင့် မြို့နယ်စားသုံးသူရေးရာဦးစီးဌာနတို့ ပူးပေါင်း၍ အသိပညာပေး ဆွေးနွေးခဲ့ကြောင်း သိရသည်။
ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ခရိုင်ဦးစီးမှူးက စာဖတ်ခြင်း၏ အကျိုး ကျေးဇူးများ အကြောင်းကိုလည်းကောင်း၊ မြို့နယ်အားကာဦးစီးမှူးက အားကာသိပ္ပံကျောင်းနှင့် ပတ်သက်၍ သိကောင်းစရာများ အကြောင်းကိုလည်းကောင်း၊ စားသုံးသူရေးရာဦးစီးဌာန မြို့နယ် တာဝန်ခံက စားအုန်းဆီစားသုံးခြင်းဖြင့် ဖြစ်ပေါ်လာနိုင်သည့် ဆိုးကျိုးများ၊ စားသုံးသူနှင့် လုပ်ငန်းရှင် ကြားကုန်စည် သို့မဟုတ် ဝန်ဆောင်မှုနှင့် ပတ်သက်၍ ပြဿနာတစ်စုံတစ်ရာဖြစ်ပေါ်ပါက တိုင်ကြားနိုင်ပါကြောင်းနှင့် တိုင်ကြားနိုင်သည့် ပုံစံများအား အသိပညာပေးဆွေးနွေးခဲ့ပြီး လက်ကမ်း စာစောင်များ ဖြန့်ဝေပေးခဲ့ကြောင်း သိရှိရပါသည်။
DOCA(မကွေး)