ရန်ကုန်အရှေ့ပိုင်းခရိုင်ဦးစီးမှူးဦးလှစိုးနှင့်ဝန်ထမ်းများသည် သင်္ဃန်းကျွန်းခရိုင်၊ တောင်ဥက္ကလာပမြို့နယ်၊ အထွေထွေအုပ်ချုပ်ရေးဦးစီးဌာနမှတာဝန်ရှိသူများ၊ မြို့နယ်စည်ပင် သာယာရေးကော် မတီ မှတာဝန်ရှိသူများ၊ မြို့နယ်ရဲတပ်ဖွဲ့မှတာဝန်ရှိသူများနှင့် ပူးပေါင်းပြီး ဆန်ရောင်းချမှု အခြေအနေများကို ကွင်းဆင်းအသိပညာပေးမှုများ နေ့စဉ်ဆောင် ရွက်လျှက်ရာ (၂၂.၁.၂၀၂၄) ရက်နေ့ နေ့လယ်ပိုင်းတွင် သင်္ဃန်းကျွန်းခရိုင်၊ တောင်ဥက္ကလာ ပမြို့နယ်အတွင်းရှိ ဆန်လက်လီရောင်းချ နေသော (၇)ရပ်ကွက်၊ သုမင်္ဂလာလမ်း၊ အမှတ် (၄၅၂/က)၌ ဖွင့်လှစ်ထား ရှိသည့် OK ဆန်ဆိုင်အားလည်းကောင်း၊ (၇)ရပ်ကွက်၊ ရာဇသူရလမ်း၊ အမှတ် (၂၃၄/ခ)၌ ဖွင့်လှစ်ထားသည့် မဟာဆန်ဆိုင်အားလည်းကောင်း စသည့် ဆန်ဆိုင်(၂) ဆိုင်တို့အား သွားရောက်၍ ဆန်ရောင်းချမှု ကွင်းဆင်းအသိပညာ ပေးမှုများ ဆောင်ရွက်ခဲ့ကြကြောင်း သိရှိရပါသည်။
ထိုသို့ ကွင်းဆင်းအသိပညာပေးရာတွင် ဆန်ဆိုင်များရှိ ရောင်းချနေသော ကုန်စည်ဒိုင်မှ ချပြလိုက်သောဈေးနှုန်းများအတိုင်း ဆန်ဈေးနှုန်းများဖြင့်ရောင်း ချနေသည်ကို စစ်ဆေး တွ့ရှိခဲ့ရာ ဆန်ဈေးနှုန်းကြီးမြှင့်မှု မဖြစ်ပေါ်စေရေးအတွက် ဈေးကစားရန်အလို့ငှာ ဆန်များ သိုလှောင် ထားခြင်းမပြုရန် မြန်မာနိုင်ငံဆန်စပါးအသင်းချုပ်မှ သတ်မှတ်ထားသော ဈေးနှုန်းများအတိုင်း ရောင်းချသွားရန်၊ လိုက်နာမှုမရှိပါက ဥပဒေအရ အရေးယူခံရမှာ ဖြစ်ကြောင်း အသိပညာပေး ပြောကြားခြင်းများ ဆောင်ရွက်ခဲ့ ကြောင်း သိရှိရပါသည်။
DOCA(ရန်ကုန်)