၂၀၂၅ ခုနှစ်၊ ဖေဖော်ဝါရီလ ၃ ရက်နေ့၊ နံနက်၁၀း၀၀ နာရီအချိန်တွင် တနင်္သာရီတိုင်းဒေသကြီး၊ ကော့သောင်းခရိုင်ဦးစီးမှူးရုံးရှေ့မျက်နှာစာနှင့်အမိုးများလဲလှယ်ခြင်းများဆောင်ရွက်ရန်အတွက် ခေါ်ယူ ထားသော အိတ်ဖွင့်တင်ဒါ ဖွင့်ပွဲအခမ်းအနားအား စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး အစည်းအဝေးခန်းတွင်ကျင်းပပြုလုပ်ခဲ့ရာ တင်ဒါကော်မတီအဖွဲ့ဝင်များနှင့် တင်ဒါတင်သွင်းသည့် ကုမ္ပဏီ မှတက်ရောက်ခဲ့ပါသည်။
အဆိုပါ အိတ်ဖွင့်တင်ဒါစာအိတ်များ ဖွင့်ဖောက်ခြင်းအခမ်းအနားတွင် တင်ဒါစာအိတ်များ ဖွင့် ဖောက်ခြင်း၊ စျေးနှုန်းအဆိုပြုလွှာစာအိတ်များ ဖွင့်ဖောက်ခြင်းနှင့် ကော်မတီအဖွဲ့ဝင်များမှ တင်ဒါတင် သွင်းသည့် ကုမ္ပဏီအား တင်ဒါလုပ်ထုံးလုပ်နည်းများနှင့်အညီ ကိုက်ညီမှုရှိ/မရှိ မေးမြန်းခြင်းများနှင့် အမှတ်ပေးခြင်းများဆောင်ရွက်ခဲ့ကာ အခမ်းအနားအား(၁၁း၃၀)နာရီအချိန်တွင် အောင်မြင်စွာပြီးမြောက် ခဲ့ကြောင်း သိရှိရပါသည်။
DOCA(တနင်္သာရီ)