၃.၂.၂၀၂၅ ရက်နေ့ နံနက်(၁၀:၃၀)နာရီအချိန်တွင် ဧရာဝတီတိုင်းဒေသကြီး၊ မအူပင်ခရိုင် စားသုံးသူရေးရာဦးစီးဌာန၊ ခရိုင် ယာဉ်ထိန်းရဲတပ်ဖွဲ့ အဖွဲ့တို့ပူးပေါင်း မအူပင်ခရိုင် အစိုးရနည်းပညာ အထက်တန်းကျောင်းတွင် စားသုံးသူကာကွယ်ရေး ဥပဒေနှင့် အရေးကြီးကုန်စည် ဝန်ဆောင်မှုဥပဒေ၊ ယာဉ်စည်းကမ်း လမ်းစည်းကမ်း အကြောင်း တို့ကို ဟောပြောဆွေးနွေးခဲ့ပါသည်။
ဟောပြောဆွေးနွေးရာ မအူပင်ခရိုင် ဒုခရိုင်ဦးစီးမှူး ဦးအောင်ဇော်ဦးက အဖွင့်စကားပြော ကြားပြီးနောက် စားသုံးသူကာကွယ်ရေးဥပဒေနှင့် အရေးကြီးကုန်စည် ဝန်ဆောင်မှု ဥပဒေ အကြောင်း ကိုရှင်းလင်းဟောပြောရာ စားသုံးသူအခွင့်အရေးများနှင့် တာဝန်များအကြောင်း၊ ကုန်အညွှန်းအမှတ်အသားများအကြောင်းနှင့် စားသုံးသူ နစ်နာဆုံးရှုံးမှုများအား တိုင်ကြားနိုင်သည့် နည်းလမ်းများ အကြောင်း၊ အရေးကြီးကုန်စည်နှင့် ဝန်ဆောင်မှု ဥပဒေ အဓိပ္ပာယ်၊ အရေးကြီး ကုန်စည် ဝန်ဆောင်မှု များအကြောင်း၊ ပြစ်မှု ပြစ်ဒဏ်များအကြောင်း တို့ကို ရှင်းလင်း ဟောပြောဆွေးနွေးခဲ့ပြီး နောက်၊ ခရိုင် ယာဉ်ထိန်းရဲတပ်ဖွဲ့မှ ယာဉ်စည်းကမ်း လမ်းစည်းကမ်းများ အကြောင်းကို အသိပညာ ပေးဟောပြောခဲ့ ကြောင်း သိရှိရပါသည်။
DOCA (ဧရာဝတီ)