ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်ရှိ ပဲရုံဆိပ် အ.လ.က ကျောင်းတွင် စားသုံးသူရေးရာဦးစီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ တိုင်းရင်း ဆေးပညာရေးဦးစီးဌာန၊ ပြည်သူကျန်းမာရေးဦးစီးဌာန တို့ ပူးပေါင်းပါဝင်၍ ကျောင်း အသိပညာ ပေးဟောပြောခြင်းကို ၄.၂.၂၀၂၅ ရက်နေ့ နေ့လယ် (၀၉:၄၅)နာရီအချိန်တွင် အသိပညာပေး ဟောပြောခြင်း ပြုလုပ်ခဲ့ကြသည်။
အဆိုပါ အသိပညာပေးဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ အဖွင့်အမှာစကားပြောကြားပြီး လူငယ်ရေးရာ အသိပညာပေး ဟောပြောခဲ့ပြီးနောက်၊ စားသုံးသူ ရေးရာဦးစီးဌာနမှ မြို့နယ်ဦးစီးမှူး ဦးအောင်လွင်က စားသုံးသူကာကွယ်ရေး အသိပညာ ပေးခြင်းဆိုင်ရာ လုပ်ငန်းစဉ် အကြောင်းကိုလည်းကောင်း၊ စားသုံးသူရေးရာဦးစီးဌာန လုပ်ငန်းဆောင်ရွက်ချက်များကို သိရှိနားလည်နိုင်ရန်ရှင်းလင်းခြင်း၊ ဦးစီးဌာန၏ လုပ်ပိုင်ခွင့် (၉)ချက် ကို အသေးစိတ်ရှင်းလင်းပြောကြားခြင်း၊ စားသုံးသူအခွင့်အရေးနှင့် တာဝန်များအကြောင်း၊ စီးပွားရေး လုပ်ငန်းရှင်၏ တာဝန်များအကြောင်း၊ စားသုံးသူကာ ကွယ်ရေးဥပဒေ (၂၀၁၉)အခန်း (၁၈)တွင် ပြဌာန်းထားသော ကုန်အညွှန်းအမှတ်အသား ဖော်ပြချက်နှင့် စပ်လျဉ်း၍ ကြည်ရှု့ ဝယ်ယူရမည့် အချက်အလက်များ ဖြစ်သည့် ကုန်စည်အမျိုးအစား၊ အရွယ်အစား၊ အရေအတွက်နှင့် အသားတင်ပမာဏ၊ ထားသိသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေး ဆိုင်ရာဘေးထွက်ဆိုးကျိုး သို့မဟုတ် ဓါတ်မတည့်ကြောင်း ဖော်ပြချက်နှင့် ကြိုတင် သတိပေးချက်၊ သက်ဆိုင်ရာအစိုးရဌာနများက ဖော်ပြရန် သတ်မှတ်ထားသော အချက်အလက်များ ကို ကြည့်ရှုပြီး ကုန်စည်များကို ရွေးချယ်ဝယ်ယူရန် တို့ကို ရှင်းလင်းဆွေးနွေးခဲ့ပြီး၊ ကျောင်းသား/သူများ ကုန်စည်ကိုဝယ်ယူပြီး စားသုံးသူအခွင့်အရေး ထိခိုက်နစ်နာမှု ရှိလာပါက စားသုံးသူရေးရာဦးစီးဌာနသို့ တိုင်ကြားနိုင်သည့် နည်းလမ်း (၇)မျိုး ရှိကြောင်း www.doca.gov.mm တွင်ဝင်ရောက်တိုင်ကြားနိုင်ကြောင်း။ Consumer call center 1535။ Doca Mobile Appဖြင့်လည်းကောင်း၊ ဦးစီးမှူးရုံးများရှိ CICCရုံးများသို့ လူကိုယ်တိုင် သော်လည်းကောင်း၊ ဖုန်းဖြင့်ဖြစ်စေ၊ စားသုံးသူကာကွယ်ရေး အသင်းအဖွဲ့များမှ လည်းကောင်း၊ CICC Nay PyiTaw FaceBook Page, Messengerသို့လည်းကောင်း၊ ConsumerWebsitedoca@gmail.com သို့တိုင်ကြားနိုင်ကြောင်းကို အကျယ်တဝင့် ရှင်းလင်းဟောပြောခဲ့ပြီး ဟောပြောပွဲသို့ ကျောင်းသားကျောင်းသူ ဆရာ/ဆရာမ (၃၅၀)ဦးတက် ရောက်ခဲ့ကြောင်း သိရသည်။
DOCA (ဧရာဝတီ)