စားသုံးသူရေးရာဦးစီးဌာန၊ဟင်္သာတမြို့နယ်ဦးစီးမှူးသည် (၃.၂.၂၀၂၅)ရက်နေ့ နေ့လည် (၁၄:၃၀) နာရီအချိန်တွင် မြို့နယ်စည်ပင်သာယာရေးအဖွဲ့နှင့် ပူးပေါင်း၍ ဟင်္သာတမြို့၊နတ်မော်လမ်း၊ ပဒေသာ ဈေးအတွင်းရှိ ဈေးတာဝန်ခံရုံး၌ ဟင်္သာတမြို့နယ်မှ စားအုန်းဆီခွဲတမ်းရ လက်လီအရောင်း ဆိုင်လုပ် ငန်းရှင်များအား စနစ်တကျ ဖြန်ဖြူးနိုင်ရေး ညှိနှိုင်းဆွေးနွေးပွဲပြုလုပ်ဆောင်ရွက်ခဲ့ပါသည်။
ထိုသို့ဆောင်ရွက်ရာတွင် မြို့နယ်ဦးစီးမှူး ဦးမိုးကျော်က ဟင်္သာတမြို့နယ် ပဒေသာဈေးအတွင်း ရှိ စားအုန်းဆီအရောင်းဆိုင်လုပ်ငန်းရှင်များအနေဖြင့် မိမိတို့ရရှိသောခွဲတမ်းရ စားအုန်းဆီဖြန့်ဖြူး ရာတွင် ပြည်သူများထံသို့ သတ်မှတ်ရည်ညွှန်းဈေးဖြင့်စနစ်တကျဖြန့်ဖြူးရောင်းပေးနိုင်ရေး၊ ပစ္စည်းမှန်၊ ဈေးနှုန်း မှန်၊ အရည်အသွေးမှန်၊ အလေးချိန်မှန်ဖြင့် ရောင်းချပေးနိုင်ရေး ယခုလိုခေါ်ယူ ဆွေးနွေးရခြင်း ဖြစ် ကြောင်း ပြောကြားပါသည်။ မိမိတို့ဌာနအနေဖြင့် ဆီဖြန့်ဖြူး ရာတွင် ပါဝင်စွက်ဖက်ခြင်းမရှိပဲ ပြည်သူများ စနစ်တကျဝယ်ယူရရှိနိုင်ရေးအတွက် ကြီးကြပ်ဆောင်ရွက်ခြင်းသာ ဖြစ်ကြောင်း၊ တက်ရောက် လာ သူများမှလည်း ပြန်လည်ဆွေးနွေးခြင်းများပြုလုပ်ခဲ့ပြီး အစည်းအဝေးကို နေ့လည် (၁၅:၃၀)နာရီအချိန် တွင် ရုပ်သိမ်းခဲ့ပါသည်။
DOCA(ဧရာဝတီ)