စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးသည် (၃.၂.၂၀၂၅)ရက်နေ့ နံနက် (၁၀:၀၀)နာရီအချိန်တွင် မြန်အောင်မြို့နယ်၊သပြေကုန်းကျေးရွာ၊ အမှတ်(၃)ရပ်ကွက်ရှိ ဆီကုန်သည်နှင့် ဆီလုပ်ငန်းရှင်များအသင်း ဒု-ဥက္ကဌ ဦးမျိုးတင့်နှင့်တွေ့ဆုံ၍ အသင်းမှ လက်ရှိလှုပ်ရှားဆောင်ရွက်နေမှု များအား တွေ့ဆုံဆွေးနွေးခဲ့ပါသည်။
ထိုသို့ဆွေးနွေးခဲ့ရာတွင် အသင်းမှ ဒု- ဥက္ကဌ ဦးမျိုးတင့်က လက်ရှိတွင်ကော်မတီအဖွဲ့ဝင်( ၁၁) ဦးရှိပြီး အသင်းအနေဖြင့် ရန်ကုန်ကုမ္ပဏီများမှ ထုတ်ယူရရှိသော စားအုန်းဆီများအား လက္ကား ကိုယ်စား လှယ်(၆)ဦးမှ သတ်မှတ်ရည်ညွှန်းဈေးဖြင့် လက်လီကိုယ်စားလှယ်များ၊ ကုန်စုံဆိုင်များနှင့် စားသုံးသူ ပြည်သူများလက်ဝယ်ရောက်ရှိစေရေး၊ဈေးနှုန်းမြှင့်တင်ရောင်းချမှုမရှိစေရေး၊ မြန်အောင် မြို့နယ်အတွင်း ရပ်ကွက်၊ကျေးရွာများရှိ အိမ်ထောင်စုတိုင်း ဆီလုံလောက်စွာရရှိနိုင်ရန် အကောင်အထည်ဖော် ဆောင် ရွက်လျက်ရှိကြောင်း၊ အသင်းအနေဖြင့်လည်း လိုအပ်ချက်များ ရှိလာပါက အသင်းအဖွဲ့အစည်းများ၊ သက်ဆိုင်ရာဌာနများနှင့်ပူးပေါင်းဆောင်ရွက်သွားမည်ဖြစ်ကြောင်း သိရှိရပါသည်။
DOCA(ဧရာဝတီ)