“ကျောက်ဆည်မြို့ပေါ်ရှိဆန်ဆိုင်များအားကွင်းဆင်း”

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊‌ ကျောက်ဆည် ခရိုင်ဦးစီးမှူးရုံးသည်ဌာန၏မျှော်မှန်းချက်ဖြစ်သည့်“ပြည်တွင်းကုန်သွယ်မှုဖွံ့ဖြိုးရေးနှင့်စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားဖွံဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်း ကုန်သွယ်မှုလုပ်ငန်းများကိုလည်းစဉ်ဆက်မပြတ်လုပ်ဆောင်လျှက်ရှိပါသည်။၂၀၂၅ခုနှစ်၊ ဖေဖော်ဝါရီ

လ(၄)ရက်နေ့တွင် စျေးကွက်အတွင်း ဆန်စျေးနှုန်းများ မြှင့်တက်မှုမရှိစေရေး နှင့် ဆန်စျေးနှုန်း တည်ငြိမ်စေရေးအတွက် စားသုံးသူရေးရာဦးစီးဌာန၊ မြို့နယ်စည်ပင်သာယာရေးအဖွဲ့နှင့်ပူးပေါင်း၍ ‌‌ကျောက်ဆည်မြို့ပေါ်ရှိ ဆန်လက်လီ၊လက်ကားရောင်းချသည့် ဆိုင်များသို့သွားရောက်၍ ကွင်းဆင်း စစ်ဆေးခြင်းဆောင်ရွက်ခဲ့ပါသည်။ထိုသို့ကွင်းဆင်းရာတွင်လက်လီ၊လက်ကားရောင်းချသည့်ဆန်ဆိုင် များအနေဖြင့် စျေးကစားရန်ရည်ရွယ်ချက်ဖြင့် ဆန်များသိုလှောင်ခြင်းမပြုလုပ်ကြရန် ၊ သတ်မှတ် ထားသည့်သင့်တင့်မျှတသောစျေးနှုန်းဖြင့် ရောင်းချနိုင်ရန်နှင့်စျေးနှုန်းများကိုလည်း အများပြည်သူ မြင်သာသောနေရာများတွင် မြင်သာသည့်အရွယ်အစားနှင့်ရေးသားဖော်ပြ၍ရောင်းချရန် ၊ မြန်မာနိုင်ငံ ဆန်စပါးအွန်လိုင်း ( Myanmar Rice Online) (MyRo)တွင် မှတ်ပုံတင်ထားခြင်းမရှိသေးပါက  သက်ဆိုင်ရာမြို့နယ်အလိုက် စားသုံးသူရေးရာဦးစီးဌာနရုံးနှင့်ချိတ်ဆက်၍ မှတ်ပုံတင်ဆောင်ရွက်နိုင် ရေးတို့ကို အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(မန္တလေး)