၅.၂.၂၀၂၅ ရက်နေ့၊ နေ့လယ် (၁၂ : ၀၀) အချိန်တွင် စားသုံးသူရေးရာဦးစီးဌာနမှ ပြန်ကြားရေးနှင့် ပြည်သူ့ ဆက်ဆံရေးဦးစီးဌာန၊ အားကစားနှင့် ကာယပညာဦးစီးဌာနတို့နှင့် ပူးပေါင်း၍ ကျောင်းသား/သူများ ကျန်းမာရေးထိခိုက်မှု မရှိစေရန်အတွက် ကျောင်းမုန့်ဈေးတန်းတွင် ရောင်းချလျက်ရှိသော ဈေးဆိုင်များအား စားသုံးရန် မသင့်သည့် အစားအစာများ ရောင်းချမှု မရှိစေရေး ကွင်းဆင်းဆောင်ရွက်ခဲ့ကြောင်း သိရသည်။
ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ ဓနုဖြူမြို့နယ်တာဝန်ခံရုံးမှ ဦးခိုင်လွမ်းမိုးက ကျောင်းမုန့်ဈေးတန်းရှိ ဈေးဆိုင်များတွင် စားသုံးရန်မသင့်သည့် အစားအစာများ ရောင်းချခြင်း မရှိစေရေး၊ ကျောင်းသား ကျောင်းသူများအား အရောင်ဆိုးဆေး ပါဝင်သော မုန့်များ စားသောက်ခြင်း မရှိစေရေးအတွက် ဈေးဆိုင်ပိုင်ရှင်တို့အား အသိပညာပေး ရှင်းလင်းခြင်း၊ မုန့်များတွင် ကုန်အညွှန်းအမှတ်အသားနှင့် အမှတ်တံဆိပ် များပြည့်စုံစွာပါရှိကြောင်း စစ်ဆေး တွေ့ရှိရပြီး ဆိုးဆေးပါသောမုန့်များ၊ မသန့်ရှင်းသောအစားအသောက်များ၊ သက်တမ်းလွန် သောမုန့်များကိုမရောင်းချရန် ကျောင်းမုန့်ဈေးတန်းရောင်းချသူများအား အသိပညာပေး ဆွေးနွေး ပြောကြားခဲ့ကြောင်းသိရှိရပါသည်။
DOCA (ဧရာဝတီ)